കൂടംകുളം ആണവനിലയം സുരക്ഷിതമെന്ന് എൻപിസിഐഎൽ; സുപ്രധാന വിവരങ്ങൾ ചോർന്നിട്ടില്ലെന്ന് വിശദീകരണം

ന്യൂഡൽഹി ∙ കൂടംകുളം ആണവനിലയത്തിന്റെ സുപ്രധാന പ്രവർത്തന സംവിധാനങ്ങളെപ്പറ്റി ഡാർക്ക് വെബ്ബിൽ റിപ്പോർട്ട് ചെയ്യപ്പെട്ട പ്രവർത്തനങ്ങളെ ബാധിച്ചിട്ടില്ലെന്ന് ന്യൂക്ലിയർ പവർ കോർപ്പറേഷൻ ഓഫ് ഇന്ത്യ ലിമിറ്റഡ് (എൻപിസിഐഎൽ). റിയാക്ടർ പ്രവർത്തനം, സുരക്ഷാ സംവിധാനങ്ങൾ, പ്ലാന്റ് സുരക്ഷ എന്നിവയുമായി ബന്ധപ്പെട്ട എല്ലാ നിർണായക ഘടകങ്ങളും സാധാരണ നിലയിൽ പ്രവർത്തിക്കുന്നുണ്ടെന്നും ഇവ ബാഹ്യ നെറ്റ്‌വർക്കുകളിൽ നിന്ന് പൂർണമായും ഒറ്റപ്പെടുത്തിയിട്ടുണ്ടെന്നും അധികൃതർ അറിയിച്ചു.ആണവനിലയത്തിന്റെ കോർ ഓപ്പറേഷൻസ് ഇൻഫ്രാസ്ട്രക്ചർ ഇന്റർനെറ്റുമായി ബന്ധിപ്പിക്കാത്ത ‘എയർ-ഗ്യാപ്പ്ഡ്’ സംവിധാനത്തിലാണ് പ്രവർത്തിക്കുന്നത്. ഇത് സൈബർ ആക്രമണങ്ങളുടെ സാധ്യത ഇല്ലാതാക്കുന്നുവെന്ന് എൻപിസിഐഎൽ വിശദമാക്കി. അതേസമയം, പദ്ധതിയുമായി സഹകരിക്കുന്ന റിലയൻസ് ഇൻഫ്രാസ്ട്രക്ചർ തങ്ങളുടെ ബാഹ്യ സംവിധാനങ്ങളിൽ പരിമിതമായ തോതിൽ വിവരച്ചോർച്ച ഉണ്ടായതായി സമ്മതിച്ചിട്ടുണ്ട്. എന്നാൽ ഇത് പ്ലാന്റിന്റെ പ്രവർത്തനങ്ങളെ ഒട്ടും ബാധിച്ചിട്ടില്ലെന്ന് അവർ പറയുന്നു.


Fashion ⏭️