SPORTS

ഏഷ്യാകപ്പ് തോൽവി: പാക്കിസ്ഥാൻ ക്രിക്കറ്റ് ടീമിനെതിരെ രൂക്ഷവിമർശനം

ലഹോർ: അണ്ടർ 19 ഏഷ്യാ കപ്പ് ഫൈനലിൽ ഇന്ത്യയോടേറ്റ കനത്ത പരാജയത്തിന് പിന്നാലെ പാക്കിസ്ഥാൻ ക്രിക്കറ്റ് ബോർഡിനെതിരെ രൂക്ഷവിമർശനവുമായി മുൻ പേസർ തൻവീർ അഹമ്മദ് രംഗത്ത്. ഇന്ത്യൻ ടീമിനേക്കാൾ കരുത്തരാണ് പാക്കിസ്ഥാൻ എന്ന് മേനി നടിക്കുന്നത് അവസാനിപ്പിക്കണമെന്ന് ഒരു ചാനൽ ചർച്ചയിൽ അദ്ദേഹം തുറന്നടിച്ചു. ഫൈനലിലെ പാക്കിസ്ഥാന്റെ പ്രകടനം വിലയിരുത്തുമ്പോൾ ഇരു ടീമുകളും തമ്മിൽ യാതൊരുവിധ താരതമ്യത്തിനും പ്രസക്തിയില്ലെന്ന് തൻവീർ അഭിപ്രായപ്പെട്ടു.

‘‘പാക്കിസ്ഥാൻ ക്രിക്കറ്റിനെ അവർ നാണംകെടുത്തിയിരിക്കുന്നു. പാക്കിസ്ഥാൻ ഇന്ത്യയേക്കാൾ മുന്നിലാണെന്ന വാദം ഇനി എങ്കിലും നിർത്തണം. നിലവിൽ പാക്കിസ്ഥാൻ ക്രിക്കറ്റ് സിസ്റ്റം ഒന്നിനും കൊള്ളാത്ത അവസ്ഥയിലാണ്. ഇന്ത്യയുമായി തട്ടിച്ചുനോക്കാൻ പോലും നമ്മുടെ സംവിധാനങ്ങൾക്ക് യോഗ്യതയില്ല,’’ തൻവീർ വ്യക്തമാക്കി.

അണ്ടർ 19 ഏഷ്യാ കപ്പ് ഫൈനലിൽ അവസാന പന്തുവരെ നീണ്ട ആവേശകരമായ പോരാട്ടത്തിനൊടുവിൽ ഒരു വിക്കറ്റിന്റെ വിജയമാണ് ഇന്ത്യ സ്വന്തമാക്കിയത്. കഴിഞ്ഞ തവണത്തെ ഫൈനലിൽ ഇന്ത്യയെ തോൽപ്പിച്ച പാക്കിസ്ഥാനിൽ നിന്ന് കിരീടം തിരിച്ചുപിടിച്ച ഇന്ത്യ, ചരിത്രത്തിൽ ഒമ്പതാം തവണയാണ് ഏഷ്യാ കപ്പ് ചാമ്പ്യന്മാരാകുന്നത്. സ്കോർ: പാക്കിസ്ഥാൻ 50 ഓവറിൽ 9 വിക്കറ്റിന് 337; ഇന്ത്യ 50 ഓവറിൽ 9 വിക്കറ്റിന് 339.

Auto ⏭️

Back to top button