NEWS
പരിശുദ്ധ പത്രോസ് തൃതീയൻ ബാവാ വിശുദ്ധ പദവിയിലേക്ക്
മുളന്തുരുത്തി (എറണാകുളം) ∙ മലങ്കര സഭയുടെ ചരിത്രപ്രധാനമായ മുളന്തുരുത്തി സുന്നഹദോസിന് നേതൃത്വം നൽകിയ പരിശുദ്ധ ഇഗ്നാത്തിയോസ് പത്രോസ് തൃതീയൻ പാത്രിയർക്കീസ് ബാവായെ വിശുദ്ധനായി പ്രഖ്യാപിക്കുന്നതിനുള്ള നടപടിക്രമങ്ങൾക്ക് എപ്പിസ്കോപ്പൽ സുന്നഹദോസിൽ ഔദ്യോഗികമായി തുടക്കമായി. ആഗോള സുന്നഹദോസിൽ മലങ്കര സഭ സമർപ്പിച്ച ഈ നിർദേശത്തിന് പരിശുദ്ധ പാത്രിയർക്കീസ് ബാവാ അനുഗ്രഹം നൽകി.
1872-ൽ അന്ത്യോക്യൻ പാത്രിയർക്കീസായി സ്ഥാനാരോഹണം ചെയ്ത പരിശുദ്ധ പത്രോസ് തൃതീയൻ ബാവാ, മലങ്കര സഭ സന്ദർശിച്ച ആദ്യത്തെ പാത്രിയർക്കീസ് ബാവാ എന്ന സവിശേഷതയ്ക്ക് ഉടമയാണ്. 1798-ൽ ഇറാഖിലെ മൊസൂളിൽ ജനിച്ച ഇദ്ദേഹം, 1876 ജൂൺ 28-ന് മുളന്തുരുത്തി മാർത്തോമൻ പള്ളിയിൽ ചരിത്രപ്രസിദ്ധമായ മലങ്കര സുന്നഹദോസ് വിളിച്ചുചേർത്തത് അദ്ദേഹത്തിന്റെ നേതൃത്വത്തിലാണ്.
