പ്രളയക്കെടുതിയിൽ മരണം 579, 8 മലയാളികൾ അടക്കം 320 ഇന്ത്യക്കാരെ കാണാനില്ല; വിദേശ സഹായ വാഗ്ദാനം സ്വീകരിച്ച് നേപ്പാള്‍

കഠ്മണ്ഡു ∙ നേപ്പാളിനെ കണ്ണീരിലാഴ്ത്തിയ മിന്നൽപ്രളയത്തിൽ മരണം 579 ആയി. മഹാപ്രളയത്തിൽ ഒലിച്ചുപോയ പ്രദേശങ്ങളിലെ കനത്ത മഴയും മറ്റൊരു ഹിമതടാകം പൊട്ടിയേക്കാമെന്ന അഭ്യൂഹവുമെല്ലാം രക്ഷാപ്രവർത്തനത്തെ ഗുരുതരമായി ബാധിച്ചു. 1924 പേരെ കാണാനില്ലെന്നാണു നേപ്പാൾ ദുരന്ത നിവാരണ വിഭാഗം നൽകുന്ന വിവരം.മഴകാരണം പ്രദേശത്തെ ജലനിരപ്പ് ഉയരുന്നതും രക്ഷാപ്രവർത്തനത്തിനു തടസ്സമായതായി നാഷനൽ ഡിസാസ്റ്റർ റിസ്ക് റിഡക‍്‍ഷൻ ആൻഡ് മാനേജ്മെന്റ് അതോറിറ്റി (എൻഡിആർആർഎംഎ) വിശദീകരിച്ചു. നേപ്പാൾ അതിർത്തിയിലെ ഹിമാലയൻ മലനിരകളിൽ നിന്നാണു കൂറ്റൻ മഞ്ഞുപാളി അടർന്നു വീണതെന്നും ചൈനയുടെ മേഖലയിൽ നിന്നല്ലെന്നും നേപ്പാളും ചൈനയും സ്ഥിരീകരിച്ചു. ∙ വിദേശ സഹായവാഗ്ദാനം സ്വീകരിച്ച് നേപ്പാൾ വിവിധ രാജ്യങ്ങളിൽ നിന്നുള്ള സമ്മർദം ശക്തമായതിനു പിന്നാലെ രക്ഷാപ്രവർത്തനങ്ങളിൽ വിദേശസഹായം സ്വീകരിക്കാൻ നേപ്പാൾ തീരുമാനിച്ചു. രക്ഷാപ്രവർത്തനങ്ങളിൽ പ്രതിസന്ധികൾ നേരിടുന്നുണ്ടെങ്കിലും അയൽരാജ്യങ്ങളുടെ സഹായം സ്വീകരിക്കേണ്ടെന്നായിരുന്നു നേരത്തെ തീരുമാനിച്ചിരുന്നത്. രാജ്യത്തെ സുരക്ഷാ വിഭാഗങ്ങൾ മാത്രം ദൗത്യം കൈകാര്യം ചെയ്താൽ മതിയെന്നായിരുന്നു തീരുമാനം. ഇന്ത്യ, ചൈന, ഓസ്ട്രേലിയ, ദക്ഷിണ കൊറിയ എന്നീ രാജ്യങ്ങളിൽ നിന്നുള്ള വിദഗ്ധരും സാങ്കേതിക പ്രവർത്തകരുമാണു ടണൽ റെസ്ക്യൂ, ഡിഎൻഎ പരിശോധന എന്നിവയിൽ ഭാഗമാകുക. യുഎസ്, കാനഡ തുടങ്ങി വിവിധ രാജ്യങ്ങളും സഹായം വാഗ്ദാനം ചെയ്തിരുന്നെങ്കിലും എല്ലാവരുടെയും പിന്തുണ നേപ്പാൾ സ്വീകരിച്ചിട്ടില്ല.


Fashion ⏭️