കടലിൽ കാണാതായ മത്സ്യത്തൊഴിലാളിയുടെ മകളെ ഫോണിൽ വിളിച്ച് മുഖ്യമന്ത്രി; തിരച്ചിൽ ശക്തമാക്കുമെന്ന് ഉറപ്പ് നൽകി

മുഖ്യമന്ത്രി വിഡി സതീശൻ, കാണാതായ മത്സ്യത്തൊഴിലാളി ജോണിന്റെ മകൾ

തിരുവനന്തപുരം: വിഴിഞ്ഞത്ത് കടലിൽ കാണാതായ മത്സ്യത്തൊഴിലാളികൾക്കായി തിരച്ചിൽ പുരോഗമിക്കുന്നതിനിടെ, കാണാതായ മത്സ്യത്തൊഴിലാളി ജോണിന്റെ മകളെ ഫോണിൽ വിളിച്ച് മുഖ്യമന്ത്രി വിഡി സതീശൻ. തിരച്ചിൽ കൂടുതൽ ഊർജിതമാക്കുമെന്നും ഇതിനായി സർക്കാർ പരമാവധി ശ്രമിക്കുന്നുണ്ടെന്നും ഉറപ്പ് നൽകി.

അതേസമയം, രക്ഷാപ്രവർത്തനത്തിലെ മെല്ലെപ്പോക്കിനെതിരെ കത്തോലിക്കാ മെത്രാൻ സമിതി (കെസിബിസി) കടുത്ത വിമർശനവുമായി രംഗത്തെത്തി. കേരളത്തിന്റെ യഥാർത്ഥ സൈന്യം എന്ന് വിശേഷിപ്പിക്കപ്പെടുന്ന മത്സ്യത്തൊഴിലാളികളുടെ കാര്യത്തിൽ അലംഭാവം കാട്ടുന്നത് അപരാധമാണെന്ന് കെസിബിസി മുന്നറിയിപ്പ് നൽകി.

കാണാതായവർക്കായുള്ള തിരച്ചിലിൽ അടിയന്തരമായി തുടരാൻ ആധുനിക ഉപകരണങ്ങളും വിദഗ്ധരെയും എത്തിക്കണമെന്നാണ് പ്രധാന ആവശ്യം. നിലവിലെ സാഹചര്യത്തിൽ രക്ഷാപ്രവർത്തനങ്ങളിൽ കടലിനെ ആഴത്തിൽ അറിയുന്ന മത്സ്യത്തൊഴിലാളികളുടെ സേവനം പരമാവധി ഉപയോഗപ്പെടുത്തണമെന്നും കെസിബിസി ആവശ്യപ്പെട്ടു. സർക്കാരിന്റെ ഭാഗത്തുനിന്ന് സമയോചിതമായ ഇടപെടലുകൾ ഉണ്ടാകുമെന്ന മുഖ്യമന്ത്രിയുടെ ഉറപ്പിന് പുറമെ, തിരച്ചിൽ വേഗത്തിലാക്കണമെന്ന ശക്തമായ സമ്മർദ്ദവും വിവിധ കോണുകളിൽ നിന്ന് ഉയരുന്നുണ്ട്.

English Summary

Kerala Chief Minister VD Satheesan called the daughter of John, a fisherman missing at sea off Vizhinjam, assuring her that search efforts will be intensified and the government is doing everything possible.
RELATED TOPICS: VDSATHEESAN, LATEST NEWS, JOHN DAUGHTER, VD SATHEESHAN PHONE CALL

Read News ⏭️