തിങ്കളാഴ്ച സംസ്ഥാനത്തെ സ്കൂളുകൾക്ക് അവധി നൽകണം, സർക്കാർ അനുകൂല തീരുമാനം എടുക്കണമെന്ന് മുൻമന്ത്രി
പ്രതീകാത്മക ചിത്രം
തിരുവനന്തപുരം: ലോകകപ്പ് ഫുട്ബാൾ ഫൈനൽ മത്സരം പ്രമാണിച്ച് ജൂലായ് 20 തിങ്കളാഴ്ച സ്കൂളുകൾക്ക് അവധി നൽകണമെന്ന് ആവശ്യപ്പെട്ട് മുൻ വിദ്യാഭ്യാസ മന്ത്രി വി. ശിവൻകുട്ടി. അർജന്റീനയും സ്പെയിനും തമ്മിലുഴ്ഴ ആവേശകരമായ ലോകകപ്പ് ഫൈനൽ മത്സരം ഇന്ത്യൻ സമയം ഞായർ രാത്രി 12.30നാണ് ആരംഭിക്കുന്നത്. മത്സരം പുലർച്ചെ വരെ നീണ്ടുനിൽക്കുമെന്നതിനാൽ വിദ്യാർത്ഥികൾക്ക് തിങ്കളാഴ്ച കൃത്യസമയത്ത് സ്കൂളുകളിൽ എത്താൻ ബുദ്ധിമുട്ടായിരിക്കും. ഈ സാഹചര്യം കണക്കിലെടുത്ത് തിങ്കളാഴ്ചത്തെ അദ്ധ്യയന ദിനം ഒഴിവാക്കണമെന്ന് ശിവൻകുട്ടി അഭ്യർത്ഥിച്ചു. ഫേസ്ബുക്കിലായിരുന്നു ശിവൻകുട്ടിയുടെ കുറിപ്പ് പങ്കുവച്ചത്. തിങ്കളാഴ്ച നൽകുന്ന അവധിക്ക് പകരമായി പിന്നീട് അവധി വരുന്ന ഏതെങ്കിലും ഒരു ശനിയാഴ്ച പ്രവൃത്തി ദിനമാക്കി മാറ്റി അദ്ധ്യയന സമയം ക്രമീകരിക്കണമെന്നും അദ്ദേഹം പറഞ്ഞു. ഇത് സംബന്ധിച്ച് സർക്കാരിൽ നിന്ന് അനുകൂല തീരുമാനം പ്രതീക്ഷിക്കുന്നുവെന്നും ശിവൻകുട്ടി വ്യക്തമാക്കി.
RELATED TOPICS: KERALA SCHOOL HOLIDAY, SCHOOL HOLIDAY, WORLD CUP FINAL, FIFA WORLD CUP
Read News ⏭️
