‘ചർച്ച ആവശ്യപ്പെട്ടത് ഇറാൻ’; യുഎസ്-ഇറാൻ നിർണായക കൂടിക്കാഴ്ച നാളെ ദോഹയിൽ, സ്ഥിരീകരിച്ച് ട്രംപ്

ദോഹ / വാഷിങ്ടൻ∙ ഇറാനുമായി ചൊവ്വാഴ്ച ഖത്തർ തലസ്ഥാനമായ ദോഹയിൽ ചർച്ച നടത്തുമെന്ന് യുഎസ് പ്രസിഡന്റ് ഡോണൾഡ് ട്രംപ് അറിയിച്ചു. ഇറാൻ തന്നെയാണ് ചർച്ചയ്ക്കായി അഭ്യർത്ഥിച്ചതെന്നും ട്രംപ് വ്യക്തമാക്കി. ഇന്ന് തന്റെ ഔദ്യോഗിക സമൂഹമാധ്യമ അക്കൗണ്ടിലൂടെയാണ് ട്രംപ് ഇക്കാര്യം പരസ്യപ്പെടുത്തിയത്. എന്നാൽ ചർച്ചയുടെ കൂടുതൽ വിവരങ്ങൾ പുറത്തുവിടാൻ അദ്ദേഹം തയാറായിട്ടില്ല.മേഖലയിലെ സമുദ്രപാതയായ ഹോർമുസ് കടലിടുക്കുമായി ബന്ധപ്പെട്ട തർക്കങ്ങൾ പരിഹരിക്കാൻ ഇരുരാജ്യങ്ങളും തമ്മിൽ നിലവിൽ ചർച്ചകൾ പുരോഗമിക്കുകയാണ്. ഇതിനിടെ, കഴിഞ്ഞ ദിവസങ്ങളിൽ പരസ്പരം നടത്തിയ ആക്രമണങ്ങൾ താൽക്കാലികമായി നിർത്താനും വാണിജ്യ കപ്പലുകൾക്ക് സുരക്ഷിത പാതയൊരുക്കാനും ഇരുപക്ഷവും ധാരണയിലെത്തിയതായി രാജ്യാന്തര മാധ്യമങ്ങൾ റിപ്പോർട്ട് ചെയ്തിരുന്നു. ഇതിന് തൊട്ടുപിന്നാലെയാണ് നാളെ ദോഹയിൽ വച്ച് നിർണായക കൂടിക്കാഴ്ച നടക്കുമെന്ന യുഎസ് പ്രസിഡന്റിന്റെ സ്ഥിരീകരണം വന്നിരിക്കുന്നത്.


Source link