NEWS
ബ്രഹ്മഗിരി സൊസൈറ്റി അഴിമതി: വിജിലൻസ് അന്വേഷണത്തിന് ഉത്തരവ്
സുൽത്താൻ ബത്തേരി: സി.പി.എം നേതൃത്വത്തിലുള്ള ബ്രഹ്മഗിരി ഡെവലപ്‌മെന്റ് സൊസൈറ്റിയിൽ നടന്ന വൻകിട നിക്ഷേപ തട്ടിപ്പിനെക്കുറിച്ച് പ്രാഥമിക വിജിലൻസ് അന്വേഷണം നടത്താൻ ആഭ്യന്തര മന്ത്രിയുടെ ഓഫീസ് ഉത്തരവിട്ടു. കോഴിക്കോട് വിജിലൻസ് യൂണിറ്റിനാണ് ഈ കേസിന്റെ അന്വേഷണച്ചുമതല നൽകിയിരിക്കുന്നത്. നൂറ്റിമുപ്പത് കോടിയോളം രൂപ സൊസൈറ്റി വഴി നിക്ഷേപമായി സമാഹരിച്ചുവെന്നാണ് ഇതുമായി ബന്ധപ്പെട്ട് ഉയർന്നിരിക്കുന്ന പ്രധാന പരാതി. പ്രസ്തുത നിക്ഷേപങ്ങളിൽ കള്ളപ്പണം വെളുപ്പിക്കാൻ ശ്രമം നടന്നതായും ഗൗരവകരമായ ആരോപണങ്ങൾ ഇതിനകം ഉയർന്നുകഴിഞ്ഞു.
