ഒമർ അബ്ദുല്ലയുടെ വിവാഹം ഇസ്ലാമിക തത്വങ്ങൾക്ക് വിരുദ്ധം: ജമാഅത്ത് പ്രസിഡന്റ്
ജമ്മു കശ്മീർ മുഖ്യമന്ത്രി ഒമർ അബ്ദുല്ലയും മാധ്യമപ്രവർത്തക നിധി റസ്ദാനും തമ്മിലുള്ള വിവാഹബന്ധം ഇസ്ലാമിക നിയമസംഹിതകൾക്ക് വിരുദ്ധമാണെന്ന് ഓൾ ഇന്ത്യ മുസ്‌ലിം ജമാഅത്ത് അധ്യക്ഷൻ മൗലാന മുഫ്തി ഷഹാബുദ്ദീൻ റസ്‌വി ബറേൽവി പ്രസ്താവിച്ചു. ശരീഅത്ത് നിയമമനുസരിച്ച് വിവാഹം നിയമസാധുതയുള്ളതാകണമെങ്കിൽ വധൂവരന്മാർ ഇരുവരും ഇസ്‍ലാം മതത്തിൽ വിശ്വസിക്കുന്നവരായിരിക്കണമെന്ന് അദ്ദേഹം ചൂണ്ടിക്കാട്ടി.
ഒമർ അബ്ദുല്ല മുസ്‍ലിമാണെങ്കിലും നിധി റസ്ദാൻ അമുസ്‍ലിമാണെന്നും, അതിനാൽ ഇസ്ലാമിക ശരീഅത്തിന്റെ അടിസ്ഥാനത്തിൽ ഈ വിവാഹത്തിന് യാതൊരുവിധ സാധുതയുമില്ലെന്നും അദ്ദേഹം വ്യക്തമാക്കി. വിവാഹത്തിന് മുൻപായി വധു ഇസ്‍ലാം മതം സ്വീകരിച്ചിട്ടുണ്ടെന്ന് ഉറപ്പുവരുത്താൻ ഒമർ അബ്ദുല്ല ശ്രദ്ധിക്കേണ്ടതായിരുന്നു. ദമ്പതികൾ രണ്ടുപേരും ഇസ്‍ലാം മത വിശ്വാസികളായിരിക്കണമെന്ന നിബന്ധന പാലിക്കപ്പെടാത്ത സാഹചര്യത്തിൽ, ഇസ്ലാമിക പ്രമാണങ്ങൾ പ്രകാരം ഇവരുടെ വിവാഹം ‘നജായിസ്’ അഥവാ അസാധുവാണ് എന്ന് മൗലാന മുഫ്തി ഷഹാബുദ്ദീൻ റസ്‌വി ബറേൽവി അടിവരയിട്ടു പറഞ്ഞു.
