ആഗോള മാന്ദ്യത്തിനിടയിലും 7.8% വളര്‍ച്ച; ഇന്ത്യ ലോകത്തിന്റെ സാമ്പത്തിക എഞ്ചിനെന്ന് ഐഎംഎഫ് റിപ്പോര്‍ട്ട്

India GDP Growth : ഇന്ത്യ ആഗോള സാമ്പത്തിക വളര്‍ച്ചയുടെ പ്രധാന എഞ്ചിനെന്ന് രാജ്യാന്തര നാണയ നിധി (IMF). യുദ്ധങ്ങളും സാമ്പത്തിക മാന്ദ്യവും ലോക രാജ്യങ്ങളെ സമ്മര്‍ദ്ദത്തിലാക്കുമ്പോള്‍, ആദ്യ പാദത്തില്‍ രാജ്യം രേഖപ്പെടുത്തിയ 7.8% ജിഡിപി വളര്‍ച്ച ലോകരാജ്യങ്ങള്‍ക്ക് മാതൃകയാണെന്നു റിപ്പോര്‍ട്ട് വ്യക്തമാക്കുന്നു. കരുത്തുറ്റ ആഭ്യന്തര വിപണിയാണ് ഈ കുതിപ്പിന് കാരണം. ഐഎംഎഫിന്റെയും, മറ്റ് വിദഗ്ധരുടെയും പ്രതീക്ഷകള്‍ക്ക് വളരെ മുകളിലുള്ള പ്രകടനമാണ് ഭാരതം കാഴ്ചവച്ചത്.ഇന്ത്യ വളര്‍ച്ച വേഗം കൈവരിച്ചത് എങ്ങനെസേവന മേഖലയിലെയും (services sector), കയറ്റുമതിയിലെയും (exports) മികച്ച പ്രകടനമാണ് ഇന്ത്യയുടെ വളര്‍ച്ചയ്ക്ക് കരുത്തായത്. രാജ്യത്തെ ശക്തമായ ആഭ്യന്തര ഉപഭോഗം, സര്‍ക്കാര്‍ നടപ്പിലാക്കിയ സാമ്പത്തിക പരിഷ്‌കാരങ്ങള്‍, ഡിജിറ്റല്‍ അടിസ്ഥാന സൗകര്യങ്ങളിലെ മുന്നേറ്റം എന്നിവ വളര്‍ച്ചാ വേഗം വര്‍ധിപ്പിച്ചെന്നാണ് വിലയിരുത്തല്‍.ഇന്ത്യയെ പുകഴ്ത്തി ഐഎംഎഫ്യുദ്ധങ്ങള്‍, വിലക്കയറ്റം തുടങ്ങിയ ആഗോള പ്രതിസന്ധികള്‍ക്കിടയിലാണ് ഇന്ത്യയുടെ മുന്നേറ്റമെന്ന് ഐഎംഎഫ് പറയുന്നു. ഊര്‍ജ്ജ വിലയിലുണ്ടായ വലിയ കുതിച്ചുചാട്ടത്തെ അതിജീവിക്കാന്‍ ഇന്ത്യയ്ക്ക് സാധിച്ചു. ഇന്ത്യന്‍ സമ്പദ്വ്യവസ്ഥ കാണിച്ച അസാധാരണമായ പ്രതിരോധശേഷിയെയാണ് ഐഎംഎഫ് പുകഴ്ത്തിയത്. മാക്രോ ഇക്കണോമിക് കണക്കുകള്‍ കൃത്യമാക്കാന്‍ രാജ്യം സ്വീകരിച്ച നടപടികളെയും (പുതിയ വ്യാവസായിക ഉല്‍പ്പാദന സൂചിക) അവര്‍ അഭിനന്ദിച്ചു.ലോകത്തിന് ഊര്‍ജ്ജമാകുന്ന വളര്‍ച്ചമറ്റ് രാജ്യങ്ങള്‍ സാമ്പത്തിക ഞെരുക്കം നേരിടുമ്പോള്‍, ബാഹ്യസമ്മര്‍ദ്ദങ്ങളെ വിജയകരമായി അതിജീവിച്ച് ഇന്ത്യ മുന്നേറുകയാണ്. സാമ്പത്തിക വളര്‍ച്ച നിലനിര്‍ത്തുന്നത് ആഗോള സമ്പദ്വ്യവസ്ഥയ്ക്ക് വലിയൊരു കരുത്താണ് നല്‍കുന്നത്. ഇന്ത്യയുടെ വളര്‍ച്ചയിലൂടെ ആഗോള വളര്‍ച്ചാ നിരക്ക് പിടിച്ചുനിര്‍ത്താന്‍ സാധിക്കുന്നു. സാമ്പത്തിക കണക്കുകള്‍ തയ്യാറാക്കുന്ന രീതികള്‍ ആധുനികവല്‍ക്കരിച്ച ഇന്ത്യയുടെ നടപടി സ്വാഗതം ചെയ്ത ഐഎംഎഫ്, ഡാറ്റയുടെ ഗുണനിലവാരം കൂടുതല്‍ മെച്ചപ്പെടുത്താനുള്ള ശ്രമങ്ങള്‍ തുടരണമെന്നും നിര്‍ദേശിച്ചു.ഇന്ത്യയുടെ ഒന്നാംപാദ ജിഡിപി ഹൈലൈറ്റുകള്‍ ഒന്നാംപാദ ജിഡിപി വളര്‍ച്ച: 7.8% ഉല്‍പ്പാദന (Manufacturing) മേഖല 9.2% മികച്ച വളര്‍ച്ച കൈവരിച്ചു. സേവന മേഖല മൊത്തത്തില്‍ 10% വളര്‍ച്ച കൈവരിച്ചു. ധനകാര്യം, റിയല്‍ എസ്റ്റേറ്റ്, ഐടി മേഖലകള്‍ 12.1% ഉയര്‍ച്ച രേഖപ്പെടുത്തി. സ്ഥിര മൂലധന രൂപീകരണം 20.4% വര്‍ദ്ധിച്ച് മൊത്തം ജിഡിപിയുടെ 34.3% ആയി ഉയര്‍ന്നു. കാര്‍ഷിക മേഖല 3.6% വളര്‍ച്ച കൈവരിച്ചപ്പോള്‍ ഖനന മേഖല 2.4% ഇടിവ് രേഖപ്പെടുത്തി. കയറ്റുമതി 12% വര്‍ദ്ധിച്ചപ്പോള്‍ ഇറക്കുമതി 1.1% കുറഞ്ഞു. നിര്‍മ്മാണ മേഖല 7.7% വളര്‍ച്ച കൈവരിച്ചു. ചൈന (4.3%), അമേരിക്ക (2.1%), യുകെ (2.1%) തുടങ്ങിയ പ്രമുഖ ആഗോള സമ്പദ്വ്യവസ്ഥകളെക്കാള്‍ വേഗത്തിലാണ് ഇന്ത്യയുടെ വളര്‍ച്ച.


Read News