‘ഉമ്മൻ  ചാണ്ടിക്ക്  നീതി  ലഭിച്ചു’; രണ്ടര വർഷത്തെ കാത്തിരിപ്പിനുശേഷം കല്ലറ പണിയുന്നുവെന്ന് ചാണ്ടി ഉമ്മൻ

കോട്ടയം: ഉമ്മൻ ചാണ്ടിക്കെതിരെയുള്ള രാഷ്‌ട്രീയ വേട്ടയാടലുകൾക്കുള്ള മറുപടി കൂടിയാണ് തിരഞ്ഞെടുപ്പ് വിജയമെന്ന് പുതുപ്പള്ളിയിൽ നിന്ന് വിജയിച്ച യുഡിഎഫ് സ്ഥാനാർത്ഥി ചാണ്ടി ഉമ്മൻ. പ്രതിപക്ഷത്തിരുന്നപ്പോഴും ഭരണത്തിലിരുന്നപ്പോഴും ഇടതുമുന്നണി അദ്ദേഹത്തെ അനാവശ്യമായി വേട്ടയാടി. ഉമ്മൻ ചാണ്ടിക്ക് നീതി ലഭിച്ച തിരഞ്ഞെടുപ്പാണിത്. അതുകൊണ്ട് അദ്ദേഹത്തിന് കല്ലറ പണിയാൻ പോവുകയാണ്. രണ്ടര വർഷം കല്ലറ പണിയാതെ കാത്തുനിൽക്കുകയായിരുന്നുവെന്നും ചാണ്ടി ഉമ്മൻ മാദ്ധ്യമങ്ങളോട് പ്രതികരിച്ചു. ‘ഒരു വികസന പ്രവർത്തനം പോലും കേരളത്തിൽ നടപ്പിലാക്കാത്തതിന്റെ പ്രതിഷേധമാണ് തിരഞ്ഞെടുപ്പ് ഫലം. അയ്യപ്പന്റെ സ്വർണം കൊള്ളയടിക്കാൻ അനുവാദം കൊടുത്ത സർക്കാരിനെതിരെ ജനം വോട്ട് ചെയ്യാതിരിക്കുമോ? അയ്യപ്പൻ കേരളത്തിന്റെ മുഴുവനുമാണ്’- എന്നും ചാണ്ടി ഉമ്മൻ പ്രതികരിച്ചു.


Source link