‘പിണറായി വിജയൻ, ചോതി നക്ഷത്രം’, മുഖ്യമന്ത്രിയുടെ പേരിൽ 250 രൂപയുടെ വഴിപാടുമായി ഒരു ഭക്തൻ

കണ്ണൂർ: നാട് ഉറ്റുനോക്കുന്ന നിയമസഭാ തിരഞ്ഞെടുപ്പ് ഫലം പുറത്തുവന്നുതുടങ്ങാൻ ഇനി മിനുട്ടുകൾ മാത്രമാണ് ബാക്കി. ബാലറ്റ് യന്ത്രങ്ങൾ സൂക്ഷിച്ചിരിക്കുന്നയിടങ്ങൾ തുറന്ന് ഉദ്യോഗസ്ഥർ വോട്ടെണ്ണലിനുള്ള ഒരുക്കങ്ങൾ ആരംഭിക്കുകയായി. ഇതിനിടെ മുഖ്യമന്ത്രിയുടെ പേരിൽ വിഷ്‌ണുപൂജ വഴിപാട് നേർന്നിരിക്കുകയാണ് ഒരു അനുഭാവി. കണ്ണൂരിൽ മലബാർ ദേവസ്വത്തിന് കീഴിലുള്ള പള്ളിക്കുന്ന് കാനത്തൂർ മഹാവിഷ്‌ണു ക്ഷേത്രത്തിലാണ് വിഷ്‌ണുപൂജ വഴിപാട് നേർന്നത്. ക്ഷേത്രത്തിൽ സ്ഥിരമെത്തുന്ന ഒരു ഭക്തനാണ് വിഷ്‌ണുപൂജ വഴിപാട് നടത്തിയിരിക്കുന്നത്. പിണറായി വിജയൻ, ചോതി നക്ഷത്രം എന്ന പേരിൽ 250 രൂപയുടെ വഴിപാട് ആണ് നേർന്നത്. ഞായറാഴ്‌ച ആണ് രസീത് എഴുതിയതെങ്കിലും വോട്ടെണ്ണൽ ദിനമായ ഇന്നാണ് പൂജ നടക്കുക.


Source link