test del 4 copy of del 3
‘നിതിന്റെ മരണം മാപ്പർഹിക്കാത്ത കുറ്റം; രോഹിത് വേമുല ആക്ട് നടപ്പിലാക്കാൻ കേന്ദ്രസർക്കാർ തയാറാകുന്നില്ല’
തിരുവനന്തപുരം ∙ ഡെന്റൽ കോളജിലെ ഒന്നാംവര്ഷ ബിഡിഎസ് വിദ്യാർഥി നിതിൻ രാജ് ജീവനൊടുക്കിയ സംഭവം അത്യന്തം വേദനയുളവാക്കുന്നതാണെന്ന് മുഖ്യമന്ത്രി പിണറായി വിജയന്. പുരോഗമന കേരളത്തിന് ഒരു തരത്തിലും അംഗീകരിക്കാന് കഴിയാത്ത വാര്ത്തകളാണ് തിരുവനന്തപുരം ഉഴമലയ്ക്കല് സ്വദേശി നിതിന്രാജിന്റെ മരണത്തെ തുടര്ന്ന് പുറത്തു വരുന്നത്. മിടുക്കനായ വിദ്യാർഥിയെ മരണത്തിലേക്ക് തള്ളിവിട്ടത് ആരായാലും മാപ്പര്ഹിക്കാത്ത കുറ്റമാണെന്നും കേരളമാകെ നിതിന് രാജിന്റെ കുടുംബത്തിനൊപ്പമാണെന്നും മുഖ്യമന്ത്രി സമൂഹമാധ്യമത്തില് കുറിച്ചു. ക്യാംപസുകളിലെ ജാതീയ വിവേചനങ്ങള് നിയമം മൂലം അവസാനിപ്പിക്കാന് രോഹിത് വെമുല ആക്റ്റ് നടപ്പിലാക്കാന് കേന്ദ്രസര്ക്കാര് തയാറാകുന്നില്ലെന്നും അംബേദ്കര് ജയന്തി ആശംസ അര്പ്പിച്ചുള്ള പോസ്റ്റില് പറയുന്നു. ഉന്നത വിദ്യാഭ്യാസ സ്ഥാപനങ്ങളിലുള്പ്പെടെ കടുത്ത ജാതീയത തലപൊക്കുന്നത് ആശങ്ക ജനിപ്പിക്കുന്ന വാര്ത്തകള്ക്ക് നടുവിലാണ് നാമിന്നുള്ളത്. ഒരു സമൂഹമെന്ന നിലയില് കേരളം ആര്ജിച്ച മൂല്യങ്ങള് കൈമോശം വന്നോ എന്നു പരിശോധിക്കേണ്ട ഘട്ടമാണിത്. കണ്ണൂര് അഞ്ചരക്കണ്ടി സ്വകാര്യ മെഡിക്കല് കോളേജിലെ ഒന്നാംവര്ഷ ബിഡിഎസ് വിദ്യാര്ത്ഥി ജീവനൊടുക്കിയ സംഭവം അത്യന്തം വേദനയുളവാക്കുന്നതാണ്. പുരോഗമന കേരളത്തിന് ഒരു തരത്തിലും അംഗീകരിക്കാന് കഴിയാത്ത വാര്ത്തകളാണ് തിരുവനന്തപുരം ഉഴമലക്കല് സ്വദേശി നിതിന്രാജിന്റെ മരണത്തെ തുടര്ന്ന് പുറത്തു വരുന്നത്. മിടുക്കനായ വിദ്യാർഥിയെ മരണത്തിലേക്ക് തള്ളിവിട്ടത് ആരായാലും മാപ്പര്ഹിക്കാത്ത കുറ്റമാണ് അത്. കേരളമാകെ നിതിന് രാജിന്റെ കുടുംബത്തിനൊപ്പമാണ്.
Source link
