ഒറ്റട്വീറ്റിലൂടെ ജീവിതം മാറിമറിഞ്ഞു; കൈകളിലെത്തിയത് രണ്ടുകോടി രൂപ, ട്വിസ്റ്റ് വെളിപ്പെടുത്തി ഇന്ത്യൻ ദമ്പതികൾ
സോഷ്യൽ മീഡിയയെ വെറും വിനോദത്തിനായുള്ള ഉപാധിയായി മാത്രം കാണുന്നവർക്ക് പ്രചോദനമാകുന്ന തരത്തിലുള്ള വിവരങ്ങളാണ് ഇപ്പോൾ വൈറലായികൊണ്ടിരിക്കുന്നത്. ഒരു പോസ്റ്റുകൊണ്ട് ലക്ഷങ്ങൾ സമ്പാദിക്കാമെന്നും അതിലൂടെ ജീവിതം തന്നെ മാറിമറിയുമെന്ന് തെളിയിച്ച ദമ്പതികളാണ് ഇപ്പോൾ സോഷ്യൽ മീഡിയയിലെ താരങ്ങൾ. അപ്പ് ആൻഡ് റൺ എന്ന ഹൈഡ്രേഷൻ സപ്ലിമെന്റ് സ്റ്റാർട്ടപ്പിന്റെ സ്ഥാപകനായ ചാണക്യ ഷായും അദ്ദേഹത്തിന്റെ ഭാര്യയുമാണ് പുതിയ വിശേഷം പങ്കുവച്ചിരിക്കുന്നത്.കാനഡയിൽ നിന്ന് ജോലി ഉപേക്ഷിച്ച് ഇന്ത്യയിലേക്ക് തിരിച്ചെത്തിയ ചാണക്യ ഷായും ഭാര്യയും ഒരിക്കലും വിചാരിച്ചിരുന്നില്ല തങ്ങളുടെ ബിസിനസ് ഐഡിയക്ക് ഇത്ര വലിയൊരു പിന്തുണ സോഷ്യൽ മീഡിയ വഴി ലഭിക്കുമെന്ന്. വെറുമൊരു പോസ്റ്റിലൂടെ ലക്ഷക്കണക്കിന് രൂപയുടെ ഇൻവെസ്റ്റ്മെന്റാണ് ദമ്പതികളെ തേടിയെത്തിയത്. കമ്പനിയുടെ വളർച്ചയ്ക്കായി ഫണ്ട് കണ്ടെത്താൻ ശ്രമിക്കുന്നതിനിടെയാണ് ചാണക്യ ഷാ എക്സിൽ തന്റെ ആവശ്യത്തെക്കുറിച്ച് ഒരു പോസ്റ്റ് പങ്കുവച്ചത്.
Source link
