‘കേരള മോഡൽ’ വികസനത്തിന്റെ രഹസ്യങ്ങൾ; ഇന്ത്യയിലെ മറ്റു സംസ്ഥാനങ്ങളിൽ നിന്ന് സംസ്ഥാനം വേറിട്ടു നിർത്തുന്നത് എങ്ങനെ?

Gods Own Country: ഇന്ത്യയ്ക്കുള്ളിലെ മറ്റൊരു രാജ്യം എന്നാണ് കേരളത്തെ പലരും വിശേഷിപ്പിക്കുന്നത്. ദൈവത്തിന്റെ സ്വന്തം നാടെന്ന വിശേഷണം കേരളം നേടിയെടുത്തത് ചുമ്മാതൊന്നുമല്ല. കേരളത്തെ ഇന്ത്യയിലെ മറ്റ് സംസ്ഥാനങ്ങളിൽ നിന്ന് വേറിട്ടു നിർത്തുന്ന പ്രധാന കാരണങ്ങളാണ് നാം ഇന്നു നോക്കുന്നത്. ഇതിൽ കേരളത്തിന്റെ ഭൂപ്രകൃതി മുതൽ സാമ്പത്തികം വരെ ഉൾപ്പെടുന്നു. സാമ്പത്തിക രംഗത്തും, പണവിനിയോഗത്തിലും കേരളം മറ്റ് ഇന്ത്യൻ സംസ്ഥാനങ്ങളിൽ നിന്ന് തികച്ചും വ്യത്യസ്തമാണ്. അതുകൊണ്ടാണ് പലപ്പോഴും സാമ്പത്തിക വിദഗ്ദ്ധർ ‘കേരള മോഡൽ’ എന്ന് വിശേഷിപ്പിക്കുന്നത്.കേരളത്തെ വേറിട്ടു നിർത്തുന്ന പ്രധാന ഘടകങ്ങൾ ഉയർന്ന സാക്ഷരത: ഇന്ത്യയിൽ ഏറ്റവും കൂടുതൽ സാക്ഷരതയുള്ള സംസ്ഥാനമാണ് കേരളം. റിപ്പോർട്ടുകൾ പ്രകാരം കേരളത്തിന്റെ സാക്ഷരത നിരക്ക് 94 ശതമാനത്തിൽ കൂടുതലാണ്. സ്ത്രീ- പുരുഷ സാക്ഷരതാ നിരക്കിൽ വലിയ വ്യത്യാസമില്ലാത്ത സംസ്ഥാനങ്ങളിൽ ഒന്നു കൂടിയാണ് കേരളം.മികച്ച ആരോഗ്യം: വികസിത രാജ്യങ്ങളോട് കിടപിടിക്കുന്ന ആരോഗ്യ സൂചികകളാണ് കേരളത്തിന് അവകാശപ്പെടാനുള്ളത്. കുറഞ്ഞ ശിശുമരണ നിരക്ക്, ഉയർന്ന ആയുർദൈർഘ്യം എന്നിവ ഇതിന് ഉദാഹരണങ്ങളാണ്.ലിംഗാനുപാതം: ഇന്ത്യയിൽ പുരുഷന്മാരേക്കാൾ സ്ത്രീകൾ കൂടുതലുള്ള ഏക സംസ്ഥാനമാണ് കേരളം. റിപ്പോർട്ടുകൾ പ്രകാരം കേരളത്തിൽ 1000 പുരുഷന്മാർക്ക് 1084 -ലധികം സ്ത്രീകളുണ്ട്.ഭൂപരിഷ്‌കരണവും സാമൂഹിക സമത്വവും: വിപ്ലവകരമായ ഭൂപരിഷ്‌കരണ നിയമങ്ങളിലൂടെ ഭൂരഹിതർക്ക് ഭൂമി നൽകാനും, ജാതിവ്യവസ്ഥയുടെ തീവ്രത കുറയ്ക്കാനും കേരളത്തിന് സാധിച്ചിട്ടുണ്ട്.വികേന്ദ്രീകൃത ആസൂത്രണം: ജനകീയാസൂത്രണത്തിനുള്ള ഉത്തമ ഉദാഹരണമാണ് കേരളം. അധികാരം താഴെത്തട്ടിലുള്ള പഞ്ചായത്തുകളിലേക്കും മുൻസിപ്പാലിറ്റികളിലേക്കും വികേന്ദ്രീകരിച്ചതിൽ കേരളം ഇന്ത്യയ്ക്ക് തന്നെ മാതൃകയാണ്.ഇന്ത്യയിലെ ‘മറ്റൊരു രാജ്യം’ വ്യത്യസ്തമായ ഭൂപ്രകൃതിയും സംസ്‌കാരവും കേരളത്തിനുണ്ട്. എങ്ങും പച്ചപ്പുനിറഞ്ഞ ഭൂപ്രകൃതി. കായലുകളും, മലനിരകളും, തെങ്ങിൻതോപ്പുകളും ചേർന്ന ഭൂപ്രകൃതി മറ്റ് ഉത്തരേന്ത്യൻ സംസ്ഥാനങ്ങളിൽ നിന്ന് കേരളത്തെ വേറിട്ടുനിർത്തുന്നു.ഉയർന്ന ജീവിതനിലവാരം: ഹ്യൂമൻ ഡെവലപ്മെന്റ് ഇൻഡക്‌സിൽ (HDI) കേരളം ഇന്ത്യയിൽ ഒന്നാമതാണ്. ദാരിദ്ര്യം ഏറ്റവും കുറഞ്ഞ സംസ്ഥാനങ്ങളിൽ ഒന്നാണിത്.മതസൗഹാർദ്ദവും രാഷ്ട്രീയ ബോധവും: ഹിന്ദു, മുസ്ലിം, ക്രിസ്ത്യൻ ജനവിഭാഗങ്ങൾ വളരെ സൗഹാർദ്ദത്തോടെ ജീവിക്കുന്ന ഒരിടമാണ് കേരളം. സാധാരണക്കാർക്ക് പോലും ഉയർന്ന രാഷ്ട്രീയ ബോധവും, ചോദ്യം ചെയ്യാനുള്ള പ്രവണതയും ശ്രദ്ധേയമാണ്.ഗൾഫ് സ്വാധീനവും ആഗോള കാഴ്ചപ്പാടും: ദശാബ്ദങ്ങളായി ലക്ഷക്കണക്കിന് മലയാളികൾ ഗൾഫ് രാജ്യങ്ങളിലും, മറ്റ് വിദേശരാജ്യങ്ങളിലും ജോലി ചെയ്യുന്നു. ഈ ആഗോള സമ്പർക്കം കേരളീയരുടെ ചിന്താഗതിയിലും, വീടുകളുടെ നിർമ്മാണത്തിലും, ഭക്ഷണരീതിയിലും ഒരു പാശ്ചാത്യ- അറബ് മിശ്രണം കൊണ്ടുവന്നിട്ടുണ്ട്. ഇന്ത്യയിൽ തന്നെ ഏറ്റവും കൂടുതൽ വിദേശനിക്ഷേപമെത്തുന്ന സംസ്ഥാനങ്ങളിൽ ഒന്നാണ് കേരളം.കേരളാ മോഡൽകേരളത്തിന്റെ സാമ്പത്തിക അടിത്തറയുടെ ഏറ്റവും വലിയ കരുത്ത് വിദേശങ്ങളിൽ ജോലി ചെയ്യുന്ന മലയാളികൾ അയക്കുന്ന പണമാണ്. സംസ്ഥാനത്തിന്റെ ആഭ്യന്തര ഉൽപ്പാദനത്തിന്റെ (GSDP) ഏകദേശം 30% ഈ പണമാണ്. പുറത്തുനിന്ന് വരുന്ന പണം ഉപയോഗിച്ച് സാധനങ്ങളും, സേവനങ്ങളും വാങ്ങിക്കൂട്ടുന്നതിൽ മലയാളി മുന്നിലാണ്. കാറുകൾ, മൊബൈൽ ഫോണുകൾ, മറ്റ് ഗൃഹോപകരണങ്ങൾ എന്നിങ്ങനെ ഉയർന്ന ചെലവഴിക്കലും, ഉയർന്ന ജീവിതനിലവാരവും കേരളം നയിക്കുന്നു.കേരളത്തെ ഒരു വിദേശമായാണ് ഇന്ത്യയിലെ മറ്റു സംസ്ഥാനങ്ങളിലെ തൊഴിലാളികൾ കാണുന്നത്. ഏറ്റവും ഉയർന്ന ദിവസക്കൂലി നൽകുന്ന സംസ്ഥാനം കേരളമാണ്. മറ്റ് സംസ്ഥാനങ്ങളിൽ 300- 400 രൂപ കൂലി ലഭിക്കുമ്പോൾ കേരളത്തിൽ ഇത് 800 മുതൽ 1200 രൂപ വരെയാണ്. മറ്റ് സംസ്ഥാനങ്ങളിൽ നിന്നും ദശലക്ഷക്കണക്കിന് അതിഥി തൊഴിലാളികൾ കേരളത്തിലേക്ക് വരുന്നതും ഇതുകൊണ്ട് തന്നെ.സ്വർണ്ണപ്രിയം ചരിത്രാതീത കാലം മുതൽ മലയാളികൾക്ക് സ്വർണ്ണത്തോടുള്ള പ്രിയം ഏറെയാണ്. ഇന്ത്യയിൽ ഏറ്റവും കൂടുതൽ സ്വർണ്ണം വിറ്റഴിക്കപ്പെടുന്ന സംസ്ഥാനങ്ങളിലൊന്നും കേരളം തന്നെ. വിവാഹങ്ങൾക്കും, സമ്പാദ്യമെന്ന നിലയ്ക്കും സ്വർണ്ണത്തിൽ പണം നിക്ഷേപിക്കുന്ന ശീലം കേരളത്തിൽ കൂടുതലാണ്. ഇന്ത്യയിലെ ഏറ്റവും വലിയ മുത്തൂറ്റ്, മണപ്പുറം പോലുള്ള ഗോൾഡ് ലോൺ കമ്പനികളും കേരളത്തിൽ നിന്നു തന്നെ.


Source link