മിനിമം ശമ്പളം 52,600 രൂപയാക്കണം; എട്ടാം ശമ്പള കമ്മിഷന് മുന്നിൽ നിർദ്ദേശം, ജീവനക്കാരുടെ ആവശ്യം ഇങ്ങനെ

കേന്ദ്ര സർക്കാർ ജീവനക്കാർക്കും പെൻഷൻകാർക്കുമുള്ള ശമ്പള ഘടനയിൽ മാറ്റം വരുത്തണമെന്ന് ചർച്ചകൾ എട്ടാം ശമ്പള കമ്മിഷന്റെ കീഴിൽ നടക്കുകയാണ്. മാറ്റം വരുത്തുന്ന ശമ്പളം ഘടനകളും സംബന്ധിച്ച് മൂന്ന് പ്രധാന ജീവനക്കാരുടെ പ്രതിനിധി ഗ്രൂപ്പുകൾ ആവശ്യങ്ങൾ ഉന്നയിച്ചിട്ടുണ്ട്.

കഴിഞ്ഞ മാസം എട്ടാം ശമ്പളക്കമ്മിഷൻ യോഗ്യരായ പങ്കാളികളിൽ നിന്ന് മെമ്മോറാണ്ടം ക്ഷണിച്ചതിനുശേഷം, ഇന്ത്യൻ റെയിൽവേ ടെക്നിക്കൽ സൂപ്പർവൈസേഴ്സ് അസോസിയേഷൻ (ഐആർടിഎസ്എ), റെയിൽവേ സീനിയർ സിറ്റിസൺസ് വെൽഫെയർ സൊസൈറ്റി (ആർഎസ്സിഡബ്ല്യുഎസ്) എന്നിവയുൾപ്പെടെയുള്ള പ്രധാന ജീവനക്കാരുടെ ഗ്രൂപ്പുകൾ വിശദമായ നിർദ്ദേശങ്ങൾ സമർപ്പിച്ചിട്ടുണ്ട്.

വരും മാസങ്ങളിൽ പാനലിന്റെ തീരുമാനങ്ങൾ രൂപപ്പെടുത്തുന്നതിൽ ഇന്ത്യൻ റെയിൽവേയിലെ നിരവധി ജീവനക്കാരെയും പെൻഷൻകാരെയും നിർദ്ദേശങ്ങൾ പ്രധാന പങ്ക് വഹിക്കുമെന്നാണ് പ്രതീക്ഷിക്കുന്നത്. 2027ന്റെ പകുതിയോടെ എട്ടാം ശമ്പള കമ്മിഷൻ നിർദ്ദേശങ്ങൾ സമർപ്പിക്കുമെന്നാണ് കരുതുന്നത്.

കഴിഞ്ഞ മാസം ഇന്ത്യൻ റെയിൽവേ ഡിഎയും ഡിആറും 2 ശതമാനം പരിഷ്‌കരിച്ചിരുന്നു. ഇത് 2026 ജനുവരി 1 മുതൽ മുൻകാല പ്രാബല്യത്തോടെയായിരുന്നു. ഇതോടെ അടിസ്ഥാന ശമ്പളം 58 ശതമാനത്തിൽ നിന്ന് 60 ശതമാനമായി ഉയർത്തി. ഇത് ലക്ഷക്കണക്കിന് റെയിൽവെ ജീവനക്കാർ, പെൻഷൻകാർ, എഴാം ശമ്പളകമ്മിഷന്റെ മറ്റ് യോഗ്യരായ ഉപഭോക്താക്കളെ ബാധിച്ചു. ഇന്ത്യയിലെ ഏറ്റവും വലിയ തൊഴിൽദാതാക്കളിൽ ഒന്നാണ് ഇന്ത്യൻ റെയിൽവെ.

എട്ടാം ശമ്പളക്കമിഷനിൽ രണ്ട് പ്രതിനിധി ഗ്രൂപ്പുകളാണുള്ളത്. ഐആർടിഎസ്എയും ആർഎസ്ഡബ്ല്യൂഎസും. ഇവർ ശമ്പള ഘടനയിൽ അഴിച്ചുപണി, വാർഷിക ഇൻക്രിമെന്റ്, ജീവനക്കാർക്കായുള്ള അലവൻസുകൾ എന്നിവയാണ് തേടുന്നത്.

ആധുനിക സാമ്പത്തിക ഘടകങ്ങളെ അടിസ്ഥാനമാക്കി മിനിമം വേതനം 52,600 രൂപയായി പരിഷ്‌കരിക്കണമെന്ന് ഐആർടിഎസ്എ ആവശ്യപ്പെടുന്നു. എന്നാൽ ആർഎസ്ഡബ്ല്യൂഎസ് വേതനം എത്രയാക്കണമെന്ന് വ്യക്തമാക്കിയിട്ടില്ല. പക്ഷേ, കുറഞ്ഞ വേതനം ശാസ്ത്രീയ അടിസ്ഥാനത്തിൽ നിർണയിക്കണമെന്നും 01.01.2026 ലെ വില സൂചികയെ അടിസ്ഥാനമാക്കി കണക്കാക്കണമെന്നും അറിയിച്ചു.