പുത്തൻ ലുക്കിൽ 2026 ഹോണ്ട സിറ്റി ഇന്ത്യയിലെത്തി; വില 12 ലക്ഷം രൂപ മുതൽ

ഇന്ത്യൻ സെഡാൻ വിപണിയിലെ രാജാവെന്ന ഖ്യാതിയുള്ള സിറ്റിയുടെ പുത്തൻ പതിപ്പിനെ വിപണിയിലിറക്കി ഹോണ്ട. 12 ലക്ഷം രൂപ മുതലാണ് പ്രാരംഭ വില. 2020-ൽ അരങ്ങേറിയ അഞ്ചാം തലമുറ സിറ്റിയുടെ രണ്ടാമത്തെ മിഡ്-ലൈഫ് സൈക്കിൾ അപ്‌ഡേറ്റാണിത്. 2023-ലെ മാറ്റങ്ങൾക്ക് ശേഷം, ഇത്തവണ കൂടുതൽ ആകർഷകമായ ഫ്രണ്ട് ലുക്കും കൂടുതൽ ആധുനിക ഫീച്ചറുകളുമായാണ് സിറ്റിയുടെ വരവ്. എൻജിനിലും മെക്കാനിക്കൽ ഫീച്ചറുകളിലും മാറ്റമില്ല. ഇന്ത്യയിൽ ഏറ്റവും കൂടുതൽ കാലമായി വിപണിയിലുള്ള കാർ ബ്രാൻഡ് എന്ന പെരുമയും ഹോണ്ട സിറ്റിക്കുണ്ട്.ഡിസൈനിലെ മാറ്റങ്ങൾഫെയ്‌സ്‌ലിഫ്റ്റ് പതിപ്പുകളിൽ സാധാരണയായി വരുത്താറുള്ള കോസ്മെറ്റിക് മാറ്റങ്ങളാണ് പുറംമോടിയിൽ പ്രധാനമായും ഉള്ളത്. എങ്കിലും സിറ്റിയുടെ മുൻഭാഗം  പൂർണ്ണമായും മാറ്റിയെടുക്കാൻ ഹോണ്ടയ്ക്ക് സാധിച്ചിട്ടുണ്ട്. പുത്തൻ ഹണികോംബ് ഗ്രില്ലും, അതിന് മുകളിലായി രണ്ട് ഭാഗങ്ങളുള്ള ഐബ്രോ സ്റ്റൈൽ എൽഇഡി ഡിആർഎല്ലുകളോട് കൂടിയ സ്ലീക്ക് ഹെഡ്‌ലാമ്പുകളുമാണ് മുൻഭാഗത്തെ പ്രധാന ആകർഷണം. ഇതിനെ ബന്ധിപ്പിച്ച് ഒരു ലൈറ്റ് ബാറുമുണ്ട്. ഹെഡ്‌ലാമ്പുകളുടെ പ്രകാശ പരിധി മുൻപത്തേക്കാൾ കൂടുതലാണെന്നും ഹോണ്ട അവകാശപ്പെടുന്നു. മുൻ തലമുറയിലുണ്ടായിരുന്ന ക്രോം ട്രിമ്മിന് പകരം ബോഡി കളറിലുള്ള പാനലാണ് ഗ്രില്ലിന് മുകളിലുള്ളത്.മുൻ ബമ്പറിലെ വലിയ എയർ ഇൻടേക്കും ഇരുവശങ്ങളിലുമുള്ള ത്രികോണാകൃതിയിലുള്ള എയർ ഇൻടേക്കുകളും കാറിന് കൂടുതൽ ഷാർപ്പ് ലുക്ക് നൽകുന്നു. വശങ്ങളിൽ പുതിയ ഡ്യുവൽ-ടോൺ 16 ഇഞ്ച് അലോയ് വീലുകൾ ഒഴിച്ചാൽ മറ്റ് മാറ്റങ്ങളില്ല. പിൻഭാഗത്ത് റിഫ്ലക്ടറുകളോട് കൂടിയ പുതിയ ടു-ടോൺ ബമ്പറും ബോഡി കളറിലുള്ള വ്യാജ ഡിഫ്യൂസറുമുണ്ട്. നിലവിലുള്ള 5 നിറങ്ങൾക്ക് പുറമെ പുതിയൊരു ബ്ലാക്ക് കളർ ഓപ്ഷൻ കൂടി ഹോണ്ട ഇത്തവണ അവതരിപ്പിച്ചിട്ടുണ്ട്.ആധുനിക ഇന്റീരിയറും ഫീച്ചറുകളുംഅകത്തളത്തിൽ വലിയ മാറ്റങ്ങളില്ലെങ്കിലും ഡാഷ്‌ബോർഡിൽ നിന്ന് അല്പം മുന്നോട്ട് നിൽക്കുന്ന രീതിയിലുള്ള 10.1 ഇഞ്ച് വലിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം പ്രധാന മാറ്റമാണ്. ഡ്യുവൽ ടോൺ തീം, എസി വെന്റുകൾ, സെന്റർ കൺസോൾ, പാർട്ട് ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നിവയിൽ മാറ്റമില്ല. എസി നിയന്ത്രണങ്ങൾക്കും സ്റ്റിയറിങ് വീലിനും ഇപ്പോഴും ഫിസിക്കൽ ബട്ടണുകളും ഡയലുകളും നിലനിർത്തിയിട്ടുള്ളത് ഡ്രൈവിങ്ങിനിടയിലും എളുപ്പത്തിൽ ഉപയോഗിക്കാൻ സഹായിക്കും.360 ഡിഗ്രി ക്യാമറ, വെന്റിലേറ്റഡ് ഫ്രണ്ട് സീറ്റുകൾ എന്നിവയാണ് ഇന്റീരിയറിലെ പുതിയ കൂട്ടിച്ചേർക്കലുകൾ. ഇതുകൂടാതെ 8-സ്പീക്കർ സൗണ്ട് സിസ്റ്റം, ആംബിയന്റ് ലൈറ്റിങ്, വയർലെസ്സ് ആപ്പിൾ കാർപ്ലേ-ആൻഡ്രോയിഡ് ഓട്ടോ, വയർലെസ് ഫോൺ ചാർജിങ് പാഡ്, സൺറൂഫ്, റിയർ വിൻഡ്‌സ്‌ക്രീൻ സൺഷെയ്ഡ് എന്നിവയുമുണ്ട്. ലെവൽ 2 അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം (ADAS), ലൈൻ വാച്ച് ക്യാമറ, റെയിൻ സെൻസിങ് വൈപ്പറുകൾ, ഹിൽ സ്റ്റാർട്ട് അസിസ്റ്റ്, 6 എയർബാഗുകൾ എന്നിവ സുരക്ഷയ്ക്കായി തുടരുന്നു.


Source link