മുകേഷ്- ജഗദീഷ്- സിദ്ദിഖ് – അശോകൻ ; എവർഗ്രീൻ കൂട്ടുകെട്ടിൽ പാതിരാക്കുറുക്കൻ    

ഇൻ ഹരിഹർ നഗറിലും 2 ഹരിഹർ നഗറിലും തിളങ്ങി പ്രേക്ഷകർ ഏറ്റെടുത്ത ജഗദീഷ്,മുകേഷ്, സിദ്ദിഖ്,അശോകൻ കൂട്ടുകെട്ട് വർഷങ്ങൾക്കുശേഷം ഒരുമിക്കുന്നു . ജയേഷ് വേണുഗോപാൽ സംവിധാനം ചെയ്യുന്ന പാതിരാക്കുറുക്കൻ എന്ന ചിത്രത്തിലൂടെയാണ് വീണ്ടും ഒത്തുച്ചേരുന്നത്. വ്യത്യസ്ത സാഹചര്യത്തിൽപ്പെട്ട നാലുപേർ ഒരിക്കൽ ഒരു പ്രതിസന്ധിയിൽ പെടുന്നതും തുടർന്നുള്ള അവരുടെ അതിജീവനത്തിന്റെ കഥയുമാണ് നർമ്മത്തിൽ ചാലിച്ച് പാതിരാകുറുക്കൻ ദൃശ്യവത്കരിക്കുന്നത് . പൊന്നാനിയിൽ ചിത്രീകരണം ആരംഭിച്ച ചിത്രത്തിൽ നിർമൽ പാലാഴി, റിയാസ് നർമ്മകല, സുധീർ പറവൂർ, കുട്ടി അഖിൽ, അനീഷ് ഗോപാൽ,ടെസ്സ ജോസഫ്,അജയൻ മാടയ്ക്കൽ, സോഷ്യൽ മീഡിയ ഇൻഫ്ലുവെൻസെഴ്സായ അശ്വിത-അശ്വിജ തുടങ്ങിയവരാണ് മറ്റു താരങ്ങൾ. അപ്പായ് സിനിമാസിന്റെ ബാനറിൽ സിജോ ജോർജ്ജ് നിർമ്മിക്കുന്ന ചിത്രത്തിന്റെ രചന സുനിൽ കർമ്മ, നിഖിൽ ജിനൻ എന്നിവർ ചേർന്നാണ്. സെൽവകുമാർ എസ്, ഛായാഗ്രഹണം നിർവഹിക്കുന്നു. സംഗീതം-ഗോപി സുന്ദർ,എഡിറ്റർ-അതുൽ വിജയ്, കലാസംവിധാനം- ത്യാഗു തവനൂർ, മേക്കപ്പ്-രാജേഷ് നെന്മാറ, വസ്ത്രാലങ്കാരം- സുകേഷ് താനൂർ, അസോസിയേറ്റ് ഡയറക്ടർ-അഭിലാഷ് കൃഷ്ണ,എം രമേഷ് കുമാർ,അസിസ്റ്റൻ്റ് ഡയറക്ടർ-മണികണ്ഠൻ,ശ്രീജിത്ത്‌,സംഘട്ടനം- അഷ്‌റഫ്‌ ഗുരുക്കൾ, വിനോദ് പ്രഭാകർ, നൃത്തസംവിധാനം- റിക്കി റിച്ചാർഡ്സൺ, പ്രൊഡക്ഷൻ കൺട്രോളർ-മൻസൂർ വെട്ടത്തൂർ, പ്രൊഡക്ഷൻ എക്സിക്യൂട്ടീവ്-ഷമീജ് കൊയിലാണ്ടി, പ്രൊഡക്ഷൻ മാനേജർ-ജസ്റ്റിൻ കൊല്ലം, ,പി. ആർ .ഒ എ .എസ്. ദിനേശ്.


Source link