കിലോയ്ക്ക് 350 രൂപ വരെ; കുറഞ്ഞ മുതൽ മുടക്കിൽ മികച്ച വരുമാനം, മലയാളികൾ ധെെര്യമായി ഈ കൃഷി തിരഞ്ഞെടുത്തോള്ളൂ
ആരോഗ്യഗുണങ്ങൾ ഏറെയുള്ള പഴമായതിനാൽ ഡ്രാഗൺ ഫ്രൂട്ടിന് വലിയ ഡിമാൻഡാണ്. ഇതിൽ കലോറി കുറവും നാരുകൾ കൂടുതലുമാണ്. അതിനാൽ പ്രമേഹ രോഗികൾക്കും ഇത് കഴിക്കാം. ബിപി നിയന്ത്രണത്തിനും സഹായിക്കുന്നു. ഇന്ത്യയിൽ ഈ പഴത്തിന്റെ ഡിമാൻഡ് വർദ്ധിച്ചതിന് പിന്നാലെ പലരും ഇവ കൃഷി ചെയ്യാൻ ആലോചിക്കുന്നുണ്ട്. മെക്സിക്കൻ പഴമായ ഇത് കേരളത്തിലെ കാലാവസ്ഥായ്ക്കും മികച്ചതാണ്. നല്ല വരുമാനം ആഗ്രഹിക്കുന്നവർക്ക് ധെെര്യമായി ഈ കൃഷി തിരഞ്ഞെടുക്കാം. ദിവസവും ആറ് മുതൽ എട്ട് മണിക്കൂർ വരെ നേരിട്ട് സൂര്യപ്രകാശം ലഭിക്കണം. പടർന്നുവളരുന്ന ചെടിയായതിനാൽ ഇതിന് താങ്ങ് ആവശ്യമാണ്. ആറ് മുതൽ ഏഴ് അടിവരെയുള്ള കോൺക്രീറ്റ് തൂണുകളൾക്ക് ചുറ്റും നടാം. ചെടിക്ക് അമിതമായി വെള്ളം ആവശ്യമില്ല. വേനൽക്കാലത്ത് ആഴ്ചയിൽ രണ്ടുതവണ നനയ്ക്കുന്നത് നല്ലതാണ്. ജെെവവളത്തിന് മുൻഗണന നൽകണം. ഒന്നര മുതൽ രണ്ട് വർഷത്തിനുള്ളിൽ ചെടി പൂത്ത് തുടങ്ങും. പൂവ് വന്നാൽ ഏകദേശം ഒരു മാസത്തിനുള്ളിൽ ഫലം പാകമാകും. പഴത്തിന്റെ നിറം പച്ചയിൽ നിന്ന് പിങ്കോ ചുവപ്പോ നിറമാകുമ്പോൾ വിളപ്പെടുക്കാം. കുറഞ്ഞ മുതൽ മുടക്കിൽ മികച്ച വരുമാനം ലഭിക്കും. കിലോയ്ക്ക് 70 മുതൽ 350 വരെയാണ് വില.
Source link
