ഷിയാ പുണ്യകേന്ദ്രത്തിൽ അലി ഖമനയിക്ക് അന്ത്യവിശ്രമം

ടെഹ്റാൻ ∙ ഇറാൻ മുൻ പരമോന്നത നേതാവ് ആയത്തുല്ല അലി ഖമനയിക്ക് (86) ഷിയാ പുണ്യകേന്ദ്രമായ മഷ്ഹദിലെ ഇമാം റിസ പള്ളിയിൽ അന്ത്യവിശ്രമം. ഇറാനിലെ വടക്കുകിഴക്കൻ നഗരമായ മഷ്ഹദിലേക്ക് ഇന്നലെ പുലർച്ചെ മുതൽ പതിനായിരങ്ങളാണു വിലാപയാത്രയായി എത്തിയത്. ഒരാഴ്ച നീണ്ട ചടങ്ങുകൾക്കും പൊതുദർശനത്തിനുംശേഷമാണ്, 4 പതിറ്റാണ്ടോളം ഇറാൻ ഭരിച്ച ഷിയാ സമൂഹത്തിന്റെ ആത്മീയനേതാവിന്റെ കബറടക്കം ഇന്നലെ നടന്നത്.ഫെബ്രുവരി 28ന് ഇസ്രയേൽ ആക്രമണത്തിലാണ് അലി ഖമനയി കൊല്ലപ്പെട്ടത്. യുദ്ധം നീണ്ടതോടെ കബറടക്കവും നീളുകയായിരുന്നു. കറുപ്പണിഞ്ഞെത്തിയ ജനക്കൂട്ടം ഇറാൻ പതാകയേന്തി നഗരവീഥികളിൽ നിറഞ്ഞിരുന്നു. ഖമനയിയുടെ ജന്മദേശവും മഷ്ഹദാണ്.


Source link