ദുരന്തപ്പെയ്ത്ത് 7 മരണം

തിരുവനന്തപുരം: സംസ്ഥാനത്ത് ദുരന്തപ്പെയ്ത്തിൽ കനത്തനാശം. മരം വീണും ഒഴുക്കിൽപ്പെട്ടും അപകടങ്ങളിലുമായി ഏഴുമരണം. മലപ്പുറത്ത് ദേശീയപാത 66ൽ കാലിക്കറ്റ് സർവകലാശാലയ്ക്ക് സമീപം ഇന്നലെ അർദ്ധരാത്രി 12ഓടെ നിയന്ത്രണം വിട്ട ഇന്നോവ കാർ നിറുത്തിയിട്ടിരുന്ന ലോറിയുടെ പിന്നിലിടിച്ച് ദമ്പതികളുൾപ്പെടെ മൂന്നുപേർ മരിച്ചു. തൃശൂർ പന്നിത്തടം നീണ്ടൂർ കോട്ടപ്പുറത്ത് ഖദീജയുടെയും ഇബ്രാഹിമിന്റെയും മകൻ ഷാഫിദ് (40), ഭാര്യ ഷഹീന (36), ഷഹീനയുടെ അമ്മാവന്റെ മകൾ ജഹാന ഷെറിൻ (26) എന്നിവരാണ് മരിച്ചത്. സൻഫ ഫാത്തിയാണ് (6) ഷാഫിദിന്റെ മകൾ.


Source link
NEWS