പാമ്പുകടി ചികിത്സ : ആന്റിവെനം മാത്രംപോര, ഡോക്ടർമാരും വേണം; യഥാർത്ഥ പ്രതിസന്ധി തുറന്നുകാട്ടി സർക്കാർ ഡോക്ടർമാർ

തിരുവനന്തപുരം: പാമ്പുകടിയേൽക്കുന്നവർക്കുള്ള ആന്റിവെനം ലഭ്യമായ ആശുപത്രികളുടെ പട്ടിക പുറത്തുവിട്ടതുകൊണ്ടു കാര്യമില്ലെന്നും മതിയായ ചികിത്സാ സംവിധാനം ഒരുക്കണമെന്നും സർക്കാർ ഡോക്ടർമാർ. പാമ്പുവിഷമേറ്റ് ദിനംപ്രതി മരണങ്ങൾ സംഭവിക്കുകയും അതിൽ പലതും താലൂക്ക് ആശുപത്രികളിൽ ചികിത്സ നിഷേധിച്ചതുകൊണ്ടാണെന്ന് ആക്ഷേപം ഉയരുകയും ചെയ്ത പശ്ചാത്തലത്തിലാണ് ഡോക്ടർമാർ രംഗത്തെത്തിയത്.