ഇറാനിൽ നിന്ന് രണ്ട് കൂറ്റൻ കപ്പലുകൾ ഇന്ത്യയിൽ; ഇറക്കുമതി ഏഴു വർഷത്തിനു ശേഷം

ന്യൂഡൽഹി ∙ ഇറാനിൽ നിന്നുള്ള അസംസ്‌കൃത എണ്ണയുമായി രണ്ട് കൂറ്റൻ കപ്പലുകൾ ഇന്ത്യൻ തുറമുഖങ്ങളിൽ എത്തി. ഇറാനിൽ നിന്ന് എണ്ണ വാങ്ങുന്നതിനായി കഴിഞ്ഞ മാസം യുഎസ് നൽകിയ താൽക്കാലിക ഇളവ് പ്രയോജനപ്പെടുത്തിയാണ് ഏഴ് വർഷത്തെ ഇടവേളയ്ക്ക് ശേഷം ഇന്ത്യൻ റിഫൈനറികൾ ഇറാനിൽ നിന്നുള്ള ഇറക്കുമതി പുനരാരംഭിച്ചത്. ഇറാൻ പതാക ഘടിപ്പിച്ച ‘ഫെലിസിറ്റി’ സിക്ക തുറമുഖത്തും, കുറക്കാവോ പതാകയുള്ള ‘ജയ’ ഒഡീഷ തുറമുഖത്തും ആണ് എത്തിയത്.റിലയൻസ് ഇൻഡസ്ട്രീസ് ലിമിറ്റഡിനും ഇറാൻ എണ്ണ വാങ്ങാൻ ഇന്ത്യ അനുമതി നൽകിയിട്ടുണ്ട്. ‘ജയ’, ‘ഫെലിസിറ്റി’ ഉൾപ്പെടെ ഇന്ത്യ എണ്ണ വാങ്ങാൻ ഉപയോഗിച്ച കപ്പലുകൾ യുഎസിന്റെ ഉപരോധ പട്ടികയിലുള്ളവയാണ്. 20 വർഷത്തിലധികം പഴക്കമുള്ള കപ്പലുകളാണ് ഇവയിൽ ഭൂരിഭാഗവും.


Source link