അക്ഷയതൃതീയ വിൽപന പൊടിപൊടിച്ചു, വിറ്റത് 2,000 കോടിയുടെ സ്വർണം, ഷോറൂമുകളിലെത്തിയത് മൂന്നു ലക്ഷത്തോളം പേർ

അക്ഷയതൃതീയ ദിവസത്തിൽ കേരളത്തിലെ പന്ത്രണ്ടായിരത്തോളം ജ്വല്ലറികളിൽ ഭേദപ്പെട്ട വ്യാപാരം നടന്നതായി ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ. ഉയർന്ന വില, ഇറാൻ – യുഎസ് യുദ്ധം, സാമ്പത്തിക പ്രതിസന്ധി തുടങ്ങിയ സാഹചര്യങ്ങൾക്കിടയിലും മൂന്നു ലക്ഷത്തോളം പേർ സ്വർണം വാങ്ങാനെത്തിയെന്ന് അസോസിയേഷൻ സംസ്ഥാന ജനറൽ സെക്രട്ടറി എസ്. അബ്ദുൽ നാസർ അറിയിച്ചു. രാവിലെ 8 മണിയോടെ കേരളത്തിലെ എല്ലാ ഷോറൂമുകളും തുറന്ന് പ്രവർത്തനമാരംഭിച്ചു. പരമ്പരാഗതമായ ഉത്സാഹ തിമിർപ്പോടെ ഉപഭോക്താക്കൾ രാവിലെ തന്നെ കേരളത്തിലെ എല്ലാ ജുവലറി ഷോറൂമുകളിലേക്കും എത്തിയതായും, ഏകദേശം 2000 കോടി രൂപയുടെ സ്വർണ്ണ വ്യാപാരം നടന്നതായും അസോസിയേഷൻ പറയുന്നു.


Source link