NEWS

ഷറഫലിക്ക് അർജന്റീന സ്പോൺസർഷിപ്പ് തുക കൈമാറിയതിന്റെ രേഖകൾ പുറത്ത്: രണ്ട് കോടിയുടെ ഇടപാട്

തിരുവനന്തപുരം ∙ സംസ്ഥാന സ്പോർട്സ് കൗൺസിൽ മുൻ അധ്യക്ഷൻ യു.ഷറഫലിക്ക് ഉടമസ്ഥതയുള്ള സ്പോർട്സ് അക്കാദമിയിലേക്ക്, അർജന്റീന ഫുട്ബോൾ ടീമിനെ കേരളത്തിൽ എത്തിക്കുന്നതുമായി ബന്ധപ്പെട്ട ഇടപാടിലെ സ്പോൺസറായ റിപ്പോർട്ടർ ബ്രോഡ്കാസ്റ്റിങ് കമ്പനി (ആർബിസി) 2 കോടി രൂപ കൈമാറിയതിന്റെ തെളിവുകൾ അന്വേഷണ സംഘത്തിന് ലഭിച്ചു. എഡിജിപി പി.വിജയന്റെ നേതൃത്വത്തിൽ പ്രവർത്തിക്കുന്ന പ്രത്യേക അന്വേഷണ സംഘം (എസ്ഐടി) നടത്തിയ പരിശോധനയിലാണ് ഈ സാമ്പത്തിക ഇടപാടിന്റെ രേഖകൾ പുറത്തുവന്നത്.

മലപ്പുറം ജില്ലയിലെ അരീക്കോട് സ്ഥിതി ചെയ്യുന്ന നോവസ് സോക്കർ അക്കാദമിയുടെ ബാങ്ക് അക്കൗണ്ടിലേക്കാണ് ഈ തുക വന്നിട്ടുള്ളത്. വെറും രണ്ട് ഡയറക്ടർമാർ മാത്രമുള്ള ഈ അക്കാദമിയുടെ മാനേജിങ് ഡയറക്ടർ സ്ഥാനം വഹിക്കുന്നത് ഷറഫലിയാണ്. മുൻ കായിക മന്ത്രി വി.അബ്ദുറഹിമാനെയും ഷറഫലിയെയും പ്രതിസ്ഥാനത്ത് നിർത്തി അന്വേഷണം മുന്നോട്ട് കൊണ്ടുപോകാൻ സർക്കാർ നിർദ്ദേശം നൽകിയതിന് പിന്നാലെയാണ് കേസിൽ നിർണായകമായ ഈ വിവരങ്ങൾ അന്വേഷണ ഉദ്യോഗസ്ഥർ കണ്ടെത്തിയിരിക്കുന്നത്.

Fashion ⏭️

Back to top button