ഇന്ത്യയിൽ E85 ഇന്ധന വില്പന തുടങ്ങി; ലിറ്ററിന് 82.12 രൂപ, 72792 രൂപയുടെ ബൈക്ക് മോഡലുമായി ഹീറോ

ഇന്ത്യയിൽ വിപ്ലവം സൃഷ്ടിച്ച് E85 ഇന്ധന വിതരണം ആരംഭിച്ചു. പെട്രോളിൽ 85% എഥനോൾ ചേർത്ത ഇന്ധനമാണിത്. രാജ്യത്തെ ആദ്യ E85 ഫ്യുവൽ സ്റ്റേഷൻ കേന്ദ്ര പെട്രോളിയം മന്ത്രി ഹർദീപ് സിങ് പുരി ഡൽഹിയിൽ ഉദ്ഘാടനം ചെയ്തു. ഒരു ലിറ്റർ E85 ഇന്ധനത്തിന് 82.12 രൂപയാണ് വില. അതായത് സാധാരണ പെട്രോളിനേക്കാൾ ലിറ്ററിന് ഏകദേശം 20 രൂപയുടെ കുറവാണുള്ളത്. E85ന് എന്തു കൊണ്ടാണ് വില കുറയുന്നത്? ഇത് സാമ്പത്തികമായി ലാഭം നൽകുമോ? E85 ലഭ്യായിരിക്കുന്ന വാഹന മോഡലുകൾ തുടങ്ങിയ വിവരങ്ങളാണ് ഇവിടെ നൽകുന്നത്. ലക്ഷ്യം 5000 ഇന്ധന സ്റ്റേഷനുകൾഇത്തരം ഇന്ധനം ഉപയോഗിക്കാൻ സാധിക്കുന്ന വാഹനങ്ങൾക്ക് ഇന്ത്യയിൽ ഇനി മുതൽ E85 വാങ്ങാവുന്നതാണ്. ഈ വർഷം അവസാനത്തോടെ ഇന്ത്യയിൽ 500 E85 ഫ്യുവൽ സ്റ്റേഷനുകൾ തുറക്കാനാണ് സർക്കാർ ലക്ഷ്യമിടുന്നത്. 2027 അവസാനത്തോടെ ഇത് 5,000 സ്റ്റേഷനുകളായി വർധിപ്പിക്കാനും ഉദ്ദേശിക്കുന്നു. നിലവിൽ ന്യൂ ഡൽഹിയിലെ Pusa Roadൽ സ്ഥിതി ചെയ്യുന്ന ഇന്ത്യൻ ഓയിലിന്റെ E85 സ്റ്റേഷനിലാണ് ഇത് ലഭ്യമായിട്ടുള്ളത്.E85 വാഹന മോഡലുകൾനിലവിൽ മൂന്ന് E85 വാഹന മോഡലുകൾ മാത്രമാണ് E85 ഇന്ത്യയിൽ ലഭ്യമായിട്ടുള്ളത്. പുതിയതായി ലോ‍ഞ്ച് ചെയ്ത ഹീറോ സ്പ്ലെൻഡർ + ഫ്ലെക്സ് ഫ്യുവൽ, ഹീറോ HF ഡീലക്സ് ഫ്ലെക്സ് ഫ്യുവൽ , സുസുക്കി ജിക്സർ SF 250 FFV എന്നീ മോഡലുകളിലാണ് E85 ഉപയോഗിക്കാൻ സാധിക്കുക. ഇവയിൽ ഹീറോയുടെ മോഡലുകൾ 2026 ജൂലൈ മുതലാണ് വില്പന ആരംഭിക്കുന്നത്. സ്പ്ലെൻഡർ + ഫ്ലെക്സ് ഫ്യുവൽ മോഡലിന് 82,710 രൂപയും, HF ഡീലക്സ് ഫ്ലെക്സ് ഫ്യുവൽ മോഡലിന് 72,792 രൂപയുമായിരിക്കും ഡൽഹിയിലെ എക്സ്-ഷോറൂം വില. ഈ രണ്ട് മോഡലുകലിലും 97.2cc സിംഗിൾ എൻജിൻ സിലിണ്ടറാണ് ഉപയോഗിച്ചിരിക്കുന്നത്. 85% വരെ എഥനോൾ ബ്ലെൻഡ് ചെയ്ത ഇന്ധനം ഓപ്പറേറ്റ് ചെയ്യാൻ ഇതിലൂടെ സാധിക്കും.സുസുക്കി ഇപ്പോൾത്തന്നെ ജിക്സർ SF 250 FFV മോഡലുകളുടെ വില്പന ആരംഭിച്ചു കഴിഞ്ഞു. 1.98 ലക്ഷം രൂപയാണ് എക്സ്-ഷോറൂം വില. മാരുതി സുസുക്കി വാഗൺ ആർ ഫ്ലെക്സ് ഫ്യുവൽ മോഡൽ കഴിഞ്ഞ ദിവസമാണ് അവതരിപ്പിച്ചിരിക്കുന്നത്. എന്നാൽ ഇത് വില്പനയ്ക്ക് നിലവിൽ ലഭ്യമായിട്ടില്ല. എന്തു കൊണ്ട് വിലക്കുറവ്?E85ൽ 85% എഥനോൾ, 15% പെട്രോൾ എന്നിവയാണ് അടങ്ങിയിരിക്കുന്നത്. ഇന്ത്യയുടെ ക്രൂഡ് ഓയിൽ ഇറക്കുമതി ആശ്രിതത്ത്വം കുറയ്ക്കുക എന്ന ലക്ഷ്യത്തോടെയാണ് ഗവൺമെന്റ് E85ന് പ്രോത്സാഹനം നൽകുന്നത്. എഥനോളിൽ കുറഞ്ഞ എനർജി കണ്ടന്റ് ആണുള്ളത്. ഇതിനാൽ എഥനോൾ കൂടുതലുള്ളതിനാൽ വാഹനത്തിന്റെ മൈലേജ് 25-35% കുറയാൻ സാധ്യതയുണ്ട്. അതായത് നിലവിൽ ലഭ്യമായിരിക്കുന്ന E20 ഇന്ധനം ഉപയോഗിച്ച് സഞ്ചരിക്കുന്ന അതേ ദൂരം പിന്നിടാൻ കൂടുതൽ E85 ഇന്ധനം വേണ്ടി വരും. ഇവിടെ ലിറ്ററിന് 20 രൂപയുടെ വിലക്കുറവ് ഇത്തരത്തിൽ ഓഫ്സെറ്റ് ചെയ്യപ്പെടും. അതായത് ഇപ്പോഴത്തെ സാഹചര്യത്തിൽ E85 സാമ്പത്തികമായി വലിയ സേവിങ്സ് ഉപഭോക്താവിന് നൽകുന്നില്ല. ഇന്ത്യയുടെ ലക്ഷ്യങ്ങൾE85 വ്യാപകമാകുന്നതോടെ ഇന്ത്യയുടെ ക്രൂഡ് ഓയിൽ ബിൽ കുറയും. ഇത് രാജ്യത്തിന്റെ സാമ്പത്തിക വളർച്ചയ്ക്ക് നേട്ടമാകുമെന്നും, അതിലൂടെ പണപ്പെരുപ്പം പിടിച്ചു കെട്ടാമെന്നും സർക്കാർ കണക്കു കൂട്ടുന്നു. അന്തരീക്ഷ മലിനീകരണം വലിയ തോതിൽ കുറയുമെന്നതാണ് E85 നൽകുന്ന മറ്റൊരു പ്രയോജനം. സാങ്കേതിക വിദ്യകൾ വികസിക്കുമ്പോൾ കൂടുതൽ മൈലേജ് നൽകുന്ന മോഡലുകൾ വിപണിയിലെത്തുമെന്നും പ്രതീക്ഷിക്കപ്പെടുന്നു. അതെ, ഇപ്പോൾ ഉണ്ടായിരിക്കുന്നത് വലിയൊരു വിപ്ലവത്തിന്റെ തുടക്കമായി കണക്കാക്കാം.


Source link