ലോകരാജ്യങ്ങൾ അമ്പരപ്പിൽ; യു.എസും, ചൈനയും പിന്നിൽ, പ്രവചനങ്ങളെ കാറ്റിൽപ്പറത്തി ഇന്ത്യൻ ജി.ഡി.പി കുതിപ്പ് 7.8%

പ്രവചനങ്ങൾ കാറ്റിൽപ്പറത്തി ഇന്ത്യയുടെ ജി.ഡി.പി വളർച്ച. ആഗോള പ്രതിസന്ധികൾക്കിടയിലും ഇന്ത്യൻ സമ്പദ് വ്യവസ്ഥ കരുത്തുറ്റ മുന്നേറ്റം തുടരുന്നതായി ജി.ഡി.പി കണക്കുകൾ വ്യക്തമാക്കുന്നു. 2026 മാർച്ച് പാദത്തിൽ രാജ്യം 7.8% ജി.ഡി.പി വളർച്ചയാണ് നേടിയത്. ലോകത്ത് ഏറ്റവും വേഗത്തിൽ വളരുന്ന വലിയ സമ്പദ് വ്യവസ്ഥ എന്ന നേട്ടം ഇന്ത്യ നില നിർത്തി. യു.എസ്, ചൈന ഉൾപ്പെടെയുള്ള രാജ്യങ്ങളുടെ കഴിഞ്ഞ പാദത്തിലെ വളർച്ചാ നിരക്ക് ഇന്ത്യയേക്കാൾ വളരെയധികം കുറവാണ്2022-23 അടിസ്ഥാന വർഷമാക്കിയതിന് ശേഷമുള്ള ആദ്യ ജി.ഡി.പി കണക്കാണ് കേന്ദ്ര സ്റ്റാറ്റിസ്റ്റിക്സ് മന്ത്രാലയം പുറത്തു വിട്ടത്. ഇതു പ്രകാരം ഇതിന് മുമ്പത്തെ 2024-25 സാമ്പത്തിക വർഷത്തിൽ ജി.ഡി.പി വളർച്ച 7.1% മാത്രമായിരുന്നു. 2025-26 സാമ്പത്തിക വർഷത്തിലെ ആകെ വളർച്ച 7.7% ആയി മാറിപ്രവചനങ്ങൾക്കും അപ്പുറം…ആഗോള-ആഭ്യന്തര വെല്ലുവിളികൾക്കിടയിലും ഇന്ത്യൻ സമ്പദ് വ്യവസ്ഥയിൽ സ്ഥിരത നില നിന്നുവെന്ന് മാത്രമല്ല, വളർച്ച നേടുകയും ചെയ്തു. സാമ്പത്തിക വിദഗ്ധരും, കേന്ദ്രവും പോലും കണക്കാക്കിയതിനേക്കാൾ ഉയർന്ന നേട്ടമാണ് ഇത്തവണ കൈവരിച്ചത്. എസ്.ബി.ഐ ഉൾപ്പെടെയുള്ള ധനകാര്യ സ്ഥാപനങ്ങളും, അനലിസ്റ്റുകളും 6.7% മുതൽ 7.4% വരെ വളർച്ചയാണ് കണക്കാക്കിയത്. കേന്ദ്രവും, റിസർവ് ബാങ്കും 7.6% വളർച്ചയാണ് പ്രതീക്ഷിച്ചത്. എന്നാൽ ഇതെല്ലാം മറികടന്ന പ്രകടനമാണ് സമ്പദ് വ്യവസ്ഥയിൽ നടന്നത്. ലോകശക്തികളേക്കാൾ ബഹുദൂരം മുന്നിൽമറ്റു പ്രമുഖ രാജ്യങ്ങളുടെ കഴിഞ്ഞ പാദത്തിലെ വളർച്ചാ നിരക്കിനേക്കാൾ ഇന്ത്യ ബഹുദൂരം മുന്നിലാണ്. ഇതര രാജ്യങ്ങളുടെ കഴിഞ്ഞ പാദത്തിലെ വളർച്ചാ നിരക്കാണ് താഴെ നൽകുന്നത് യു.എസ് : 1.6% ചൈന : 5% ജർമ്മനി : 0.3% യു.കെ : 0.6% ഫ്രാൻസ് : -0.1% ജപ്പാൻ : 2.1%ഇന്ത്യയുടെ കുതിപ്പ്ഇന്ത്യയുടെ വളർച്ചയിലെ മൊമന്റം ശക്തമാണെന്ന് പ്രധാന മന്ത്രി നരേന്ദ്ര മോദി എക്സിൽ കുറിച്ചു. 2026 മാർച്ച് പാദത്തിൽ ഇന്ത്യയുടെ Real GDP 87.77 ലക്ഷം കോടി രൂപയായി വർധന നേടി. തൊട്ടു മുമ്പത്തെ വർഷത്തെ സമാന കാലയളവിൽ ഇത് 81.40 ലക്ഷം കോടിയായിരുന്നു. ഇതേ കാലയളവിൽ Nominal GDP 9.1% വളർച്ചയോടെ 94.65 ലക്ഷം കോടി രൂപയായി മാറി. ട്രേഡ്, ഹോട്ടൽ, ഗതാഗതം, വാർത്താവിനിമയം എന്നിങ്ങനെയുള്ള സർവീസ് സെക്ടറിൽ 12.5% വളർച്ചയുണ്ടായി. ഫിനാൻഷ്യൽ, റിയൽ എസ്റ്റേറ്റ് മേഖലകളിൽ 10.4%, നിർമാണ മേഖലയിൽ 8.4%, മാനുഫാക്ചറിങ് സെക്ടറിൽ 7.3% എന്നിങ്ങനെയാണ് വളർച്ച2026 മാർച്ച് പാദത്തിലെ ജി.ഡി.പി കണക്കുകൾ രാജ്യത്ത് ശക്തമായ ഉപഭോഗവും, നിക്ഷേപവും ഉണ്ടായതിന്റെ പ്രതിഫലനമാണെന്ന് കൊടക് മഹീന്ദ്ര ബാങ്ക് ചീഫ് ഇക്കണോമിസ്റ്റ് ഉപാസന ഭരദ്വാജ് പറഞ്ഞു. എന്നാൽ മുന്നോട്ടു പോകുമ്പോൾ ജിയോ പൊളിറ്റിക്കൽ ടെൻഷൻ, എൽ നിനോ കാരണമുണ്ടായേക്കാവുന്ന സപ്ലൈ സംബന്ധമായ പ്രശ്നങ്ങൾ, ദുർബലമായേക്കാവുന്ന മൺസൂൺ എന്നിവ വെല്ലുവിളികളാകാമെന്നും അവർ വിലയിരുത്തുന്നു.


Source link