പാകിസ്താനിലും ‘കോക്രോച്ച് ജ്വരം’, കോക്രോച്ച് അവാമി ലീഗും പാകിസ്താൻ കോക്രോച്ച് പാർട്ടിയും

ന്യൂഡൽഹി: സാമൂഹിക മാധ്യമ പ്ലാറ്റ്ഫോമുകളിലുടന്നീളം വൈറലായും ഫോളോവേഴ്സിന്റെ എണ്ണത്തിൽ റെക്കോഡ് ഭേദിച്ചും മുന്നേറുകയാണ് കോക്രോച്ച് ജനത പാർട്ടി (സിജെപി). അതിവേഗം വളർന്നുവരുന്ന സിജെപിയുടെ ജനപ്രീതി അതിർത്തി കടന്നതായി റിപ്പോർട്ട്. കോക്രോച്ച് അവാമി പാർട്ടിയും കോക്രോച്ച് അവാമി ലീഗുമായി പാകിസ്താനിലും കോക്രോച്ച് തരംഗം അലയടിയ്ക്കുകയാണ്.സുപ്രീം കോടതി ചീഫ് ജസ്റ്റിസ് സൂര്യ കാന്ത് തൊഴിൽരഹിതരായ യുവജനങ്ങളെ പ്രാണികളോടും പരാദങ്ങളോടും ഉപമിച്ചുവെന്ന റിപ്പോർട്ടുകളോടുള്ള പ്രതികരണമായിട്ടാണ് മേയ് പകുതിയോടെ കോക്രോച്ച് പാർട്ടി (CJP) രൂപംകൊണ്ടത്. ചീഫ് ജസ്റ്റിസ് പിന്നീട് വിശദീകരണം നൽകിയെങ്കിലും ഒരു കൊടുങ്കാറ്റ് അപ്പോഴേക്കും രൂപപ്പെട്ടിരുന്നു.ഈ പരാമർശം ഉപയോഗപ്പെടുത്തി, യു.എസിൽ താമസിക്കുന്ന പബ്ലിക് റിലേഷൻസ് ബിരുദധാരിയും മുൻ ആം ആദ്മി പാർട്ടി സഹയാത്രികനുമായ അഭിജീത് ദീപ്കെ മേയ് 16 ന് സോഷ്യൽ മീഡിയ പ്ലാറ്റ്‌ഫോമുകളിലും ഗൂഗിൾ ഫോം അടിസ്ഥാനമാക്കിയുള്ള അംഗത്വ ഡ്രൈവിലുമായി സിജെപി ആരംഭിച്ചു. ദിവസങ്ങൾക്കുള്ളിൽ, സിജെപിയുടെ ഇൻസ്റ്റഗ്രാം അക്കൗണ്ടിന് 15 ദശലക്ഷത്തിലധികം ഫോളോവേഴ്‌സ് ലഭിച്ചു, ഇത് ബിജെപി, കോൺഗ്രസ് എന്നിവയുടെ ഔദ്യോഗിക ഹാൻഡിലുകളെ മറികടന്നു.മടിയന്മാരും തൊഴിൽരഹിതരുമായ യുവജനങ്ങളുടെ ശബ്ദമായി സിജെപി സ്വയം ബ്രാൻഡ് ചെയ്തു. പരിഹാസവും പരാതികളും സിജെപി  പ്രവർത്തനമാരംഭിച്ചു. മെച്ചപ്പെട്ട വിദ്യാഭ്യാസം, ആരോഗ്യ സംരക്ഷണം, മെച്ചപ്പെട്ട തൊഴിലവസരങ്ങൾ, പരീക്ഷാസംവിധാനങ്ങളിലെ പരിഷ്കാരങ്ങൾ, ശക്തമായ പൊതു സേവനങ്ങൾ, അധികാരികളിൽ നിന്നുള്ള കൂടുതൽ മികച്ച ഉത്തരവാദിത്വം എന്നിവയായിരുന്നു സിജെപിയുടെ ആവശ്യങ്ങൾ.


Source link