test del 4 copy of del 3
സംസ്ഥാനത്ത് പോളിങ് 79.70 ശതമാനം; ഇന്ന് വരെയുള്ള സർവീസ് വോട്ടുകൾ പരിഗണിക്കും
തിരുവനന്തപുരം ∙ നിയമസഭാ തിരഞ്ഞെടുപ്പില് സംസ്ഥാനത്ത് ഇതുവരെയുള്ള പോളിങ് 79.70 ശതമാനമെന്ന് മുഖ്യതിരഞ്ഞെടുപ്പ് ഓഫിസര് രത്തന് യു. ഖേല്ക്കര്. ഇന്ന് വരെയുള്ള സര്വീസ് വോട്ടുകള് പരിഗണിക്കും. ആകെ 58,984 സര്വീസ് വോട്ടുകളാണുളളത്. ഒന്നാം തീയതി വരെ 20,028 എണ്ണം തിരികെ വന്നുവെന്നും രത്തന് ഖേല്ക്കര് പറഞ്ഞു. തിരഞ്ഞെടുപ്പില് അന്തിമ പോളിങ് ശതമാനം വരാത്തത് വലിയ രീതിയില് വിമര്ശനങ്ങള്ക്കിടയാക്കിയിരുന്നു. ഇതിനിടെയാണ് മെയ് 1 വരെയുള്ള ആകെ പോളിങ് ശതമാനത്തിന്റെ കണക്ക് വോട്ടെണ്ണലിന്റെ തലേദിവസം തിരഞ്ഞെടുപ്പ് കമ്മിഷൻ പുറത്തുവിട്ടത്. അന്തിമ പോളിങ് ശതമാനം പിന്നീട് പ്രഖ്യാപിക്കും.32,301 പൊലീസ് ഉദ്യോഗസ്ഥർ സുരക്ഷാ ക്രമീകരണങ്ങളുടെ ഭാഗമായി ഉണ്ടാകും. വോട്ടെണ്ണല് കേന്ദ്രങ്ങളില് ക്യൂ ആര് കോഡുള്ള ഐഡി നിര്ബന്ധമാണ്. തിരഞ്ഞെടുപ്പ് പെരുമാറ്റ ചട്ടം മേയ് 6 വരെ ബാധകമാണെന്നും മുഖ്യ തിരഞ്ഞെടുപ്പ് ഓഫിസർ പറഞ്ഞു.
Source link
