കാനിൽ കല്യാൺ ആഭരണം അണിഞ്ഞ് കല്യാണി പ്രിയദർശൻ; ലാരിയാറ്റ് നെക്ലേസ്, കോടൂർ ശൈലി

കൊച്ചി∙ കാൻ ചലച്ചിത്രമേളയിൽ മൂന്നാം വട്ടവും സാന്നിധ്യമറിയിച്ച് കല്യാൺ ജ്വല്ലേഴ്‌സ്. കല്യാണിന്റെ ബ്രാൻഡ് അംബാസഡറായ നടി കല്യാണി പ്രിയദർശന്റെ കാനിലെ കന്നി റെഡ് കാർപെറ്റ് സാന്നിധ്യത്തിനായി പ്രത്യേകം രൂപകൽപന ചെയ്ത് ആഭരണമാണ് ബ്രാൻഡ് ഇത്തവണ അനാവരണം ചെയ്തത്. ശരീരത്തിന്റെ പിൻ വശത്ത് പ്രത്യേക രീതിയിലാണ് ഇത് സ്റ്റൈൽ ചെയ്തിരിക്കുന്നത്. ശിൽപഭംഗിയുള്ള രണ്ട് ഇഴകളായി ഇറങ്ങിക്കിടക്കുന്ന ഈ ആഭരണം വസ്ത്രത്തിലേക്ക് തന്നെ ലയിച്ചുചേരുന്നതായി തോന്നിപ്പിക്കും. 14 കാരറ്റ് വൈറ്റ് ഗോൾഡിൽ തീർത്ത ആഭരണത്തിന്റെ മധ്യഭാഗത്തായി പിയർ ഷേപ്പിലുള്ള 52 കാരറ്റ് ബ്ലൂ സഫയറാണ് വച്ചിരിക്കുന്നത്.


Source link