മണലൂരിലെ കിറ്റ് വിതരണ വിവാദം: കേസെടുത്തു

തിരുവനന്തപുരം:മണലൂർ നിയോജകമണ്ഡലത്തിൽ വോട്ടർമാർക്ക് കിറ്റ് വിതരണം ചെയ്യാൻ ശ്രമിച്ചെന്ന ആരോപണത്തിൽ കേസെടുത്ത് അന്വേഷണം നടത്താൻ ഇലക്ഷൻ കമ്മിഷൻ നിർദ്ദേശം. പെരുമാറ്റച്ചട്ടം ലംഘിച്ച് വോട്ടർമാരെ സ്വാധീനിക്കുന്നതിനായി പലചരക്ക് സാധനങ്ങൾ കിറ്റുകളിലാക്കി സൂക്ഷിക്കുന്നത് സംബന്ധിച്ച വിവരത്തിന്റെ അടിസ്ഥാനത്തിലാണ് കമ്മിഷൻ ഇടപെട്ടത്. 5ന് ഉച്ചയോടെ ലഭിച്ച വിവരത്തിന്റെ അടിസ്ഥാനത്തിൽ വാടാനപ്പളളിയിലുള്ള ചാമ്പ്യൻസ് ട്രേഡേഴ്സ് എന്ന സ്ഥാപനത്തിൽ ഇലക്ഷൻ ഫ്‌ളൈയിംഗ് സ്‌ക്വാഡ് നടത്തിയ പരിശോധനയിൽ പരിപ്പ്, പയർ, മുതിര തുടങ്ങി വിപണി മതിപ്പ്വില ഏകദേശം 72,542 രൂപ വരുന്ന സാധനങ്ങൾ കണ്ടെത്തി പിടിച്ചെടുത്തതായി കമ്മിഷൻ വാർത്തക്കുറിപ്പിൽ അറിയിച്ചു. തൃശൂർ നിയോജകമണ്ഡലത്തിൽ നിന്നു ലഭിച്ച സമാനമായ പരാതിയിലും തൃശൂർ വെസ്റ്റ് പൊലീസ് അന്വേഷണം നടത്തിവരുന്നു.


Source link