കൊച്ചി: നാഷണൽ പേയ്മെന്റ് കോർപ്പറേഷൻ ഒഫ് ഇന്ത്യയുടെ ഉപകമ്പനിയായ എൻ.പി.സി.ഐ ഭീം സർവീസസ് ലിമിറ്റഡിന്റെ ഭീം പേയ്മെന്റ് ആപ്പിൽ ബയോമെട്രിക് ഓതന്റിക്കേഷൻ സംവിധാനം അവതരിപ്പിച്ചു. ഡിജിറ്റൽ ഇടപാടുകൾ വേഗതത്തിലും ലളിതവും സുരക്ഷിതവുമാക്കുന്നതിന്റെ ഭാഗമായാണ് ഈ നീക്കം. 5,000 രൂപ വരെയുള്ള യു.പി.ഐ ഇടപാടുകൾ ഫിംഗർപ്രിന്റ്, ഫേസ് ഐഡി സംവിധാനം ഉപയോഗിച്ച് ചെയ്യാം. ആൻഡ്രോയിഡ്, ഐ.ഒ.എസ് ഫോണുകളിൽ ഈ സേവനം ലഭ്യമാണ്. ഉയർന്ന തുകയുടെ ഇടപാടുകൾക്ക് കൂടുതൽ സുരക്ഷ ഉറപ്പാക്കാനായി 5,000 രൂപയ്ക്ക് മുകളിലുള്ള ഇടപാടുകൾക്ക് യു.പി.ഐ പിൻ നൽകണം.
Source link
