ഭരണത്തുടർച്ച ലക്ഷ്യമിട്ട് ബിജെപി; അസമിലും പുതുച്ചേരിയിലും പോളിങ് പുരോഗമിക്കുന്നു

ന്യൂഡൽഹി ∙ കേരളത്തിനു പുറമെ ഇന്ന് തിരഞ്ഞെടുപ്പ് നടക്കുന്ന അസമിലും പുതുച്ചേരിയിലും പോളിങ് പുരോഗമിക്കുന്നു. അസമിൽ‌ 126 നിയമസഭാ മണ്ഡലങ്ങളിലേക്കാണ് വോട്ടെടുപ്പ്. ഭരണകക്ഷിയായ ബിജെപി തുടർച്ചയായ മൂന്നാം തവണയും അധികാരം ലക്ഷ്യമിടുമ്പോൾ, 2016 ലെ പരാജയത്തിനു ശേഷം അധികാരം തിരിച്ചുപിടിക്കാനാണ് കോൺഗ്രസ് ശ്രമിക്കുന്നത്. 722 സ്ഥാനാർഥികളാണ് സംസ്ഥാനത്ത് ജനവിധി തേടുന്നത്.പുതുച്ചേരിയിലെ 33 അംഗ നിയമസഭയിൽ (30 തിരഞ്ഞെടുക്കപ്പെട്ട സീറ്റുകൾ) മുഖ്യമന്ത്രി എൻ. രംഗസാമിയുടെ നേതൃത്വത്തിലുള്ള എഐഎൻആർസി – ബി.ജെ.പി സഖ്യം (എൻഡിഎ), കോൺഗ്രസ് – ഡിഎംകെ സഖ്യവുമായി ശക്തമായ മത്സരമാണ് നേരിടുന്നത്. രംഗസാമിയും മുൻ മുഖ്യമന്ത്രി വി. വൈത്തിലിംഗവും ഏറ്റുമുട്ടുന്ന തട്ടഞ്ചാവടി മണ്ഡലത്തിലാണ് ഏവരുടെയും ശ്രദ്ധ. ദീർഘകാലമായുള്ള സംസ്ഥാന പദവി എന്ന ആവശ്യം, വർധിച്ചുവരുന്ന തൊഴിലില്ലായ്മ, 30-ൽ 23 സീറ്റുകളുള്ള പുതുച്ചേരി ജില്ലയിലെ കുടിവെള്ള മലിനീകരണം എന്നിവയാണ് പ്രധാന തിരഞ്ഞെടുപ്പ് വിഷയങ്ങൾ.


Source link