CINEMA
‘പ്രണയമില്ലാതെ എല്ലാം അർത്ഥശൂന്യമാണ്’; സമൂഹമാദ്ധ്യമ പോസ്റ്റിനുപിന്നാലെ നടി തൃഷ സിനിമ വിടുന്നുവെന്ന് സംവിധായകൻ
നടനും ടിവികെ നേതാവുമായ വിജയ്യുടെ ഭാര്യ സംഗീത വിവാഹമോചനക്കേസ് നൽകിയതിന് പിന്നാലെ വാർത്തകളിൽ നിറഞ്ഞുനിൽക്കുന്ന നടിയാണ് തൃഷ കൃഷ്ണൻ. ഒരു നടിയുമായുള്ള ബന്ധമാണ് വിജയ്യുടെ വിവാഹമോചനത്തിലേയ്ക്ക് നയിച്ചതെന്നും തൃഷയാണ് ഈ നടിയെന്നുമുള്ള അഭ്യൂഹങ്ങൾ ശക്തമാണ്. വിഷയത്തിൽ നടൻ പാർത്ഥിപൻ, നടി ഖുഷ്ബു അടക്കമുള്ളവർ പ്രതികരിക്കുകയും ചെയ്തിരുന്നു. ഇതിനിടെ തൃഷ സിനിമ വിടുകയാണെന്ന പ്രചാരണങ്ങളും നടക്കുന്നുണ്ട്. ഇപ്പോഴിതാ ഇക്കാര്യത്തിൽ പ്രതികരിച്ചിരിക്കുകയാണ് നടനും സംവിധായകനും മാദ്ധ്യമപ്രവർത്തകനുമായ ചിത്ര ലക്ഷ്മണൻ. പ്രചരിക്കുന്ന വാർത്തകൾ ശരിയാണ്. ഈയടുത്ത് ചില നിർമാതാക്കളിൽ നിന്നാണ് ഇക്കാര്യമറിഞ്ഞത് എന്നാണ് കമന്റിന് മറുപടിയായി തന്റെ യൂട്യൂബ് ചാനലിലൂടെ സംവിധായകൻ വ്യക്തമാക്കിയത്.
Source link
