test del 5 copy of del 3
‘കേരളത്തില് ലവ് ജിഹാദ്, അതിന് കണ്ണടയ്ക്കുന്ന സർക്കാരാണ് ഭരിക്കുന്നത്; സ്ത്രീ സുരക്ഷയില്ല’
തിരുവനന്തപുരം∙ നിയമസഭാ തിരഞ്ഞെടുപ്പിനു തൊട്ടുമുന്പ് സര്ക്കാരിനെതിരെ ഗുരുതരമായ ആരോപണവുമായി വട്ടിയൂര്ക്കാവിലെ എന്ഡിഎ സ്ഥാനാര്ഥിയും മുന് ഡിജിപിയുമായ ആര്.ശ്രീലേഖ. ‘ലവ് ജിഹാദ്’ പോലെയുള്ള അതിക്രൂരമായ കുറ്റകൃത്യം നടക്കുമ്പോള് കണ്ണടയ്ക്കുന്ന സര്ക്കാരാണ് സംസ്ഥാനം ഭരിക്കുന്നതെന്നും സ്ത്രീ സുരക്ഷയ്ക്ക് സംസ്ഥാനത്ത് പ്രധാന്യമില്ലാത്തത് അതുകൊണ്ടാണെന്നും ശ്രീലേഖ പറഞ്ഞു. ‘ബ്രഞ്ച് വിത്ത് ശ്രീലേഖ’ എന്ന പരിപാടിയില് സ്ത്രീസുരക്ഷ സംബന്ധിച്ച് ഉയര്ന്ന ചോദ്യത്തിനു മറുപടിയായാണ് ശ്രീലേഖ സര്ക്കാരിനെതിരെ ഗുരുതര ആരോപണം ഉന്നയിച്ചത്. അടുത്തിടെ മന്ത്രിയുടെ ഭാര്യക്ക് ദുരനുഭവം ഉണ്ടായപ്പോള് നേരിട്ടു വിളിച്ചിട്ടുപോലും പൊലീസ് ഇടപെട്ടില്ലെന്നും ശ്രീലേഖ ആരോപിച്ചു.
ഒരു വനിതാ പൊലീസ് ഓഫിസര് ആയിട്ടുള്ള എനിക്ക് നേരെ തന്നെ എന്തെങ്കിലും സംഭവം ഉണ്ടായാല് അത് നേരിടുന്നത് ഞാന് ഒറ്റക്കായിരിക്കും. പരാതി പറഞ്ഞാലും ഡിജിപി പോലും എന്നെ പിന്തുണയ്ക്കില്ല. അദ്ദേഹത്തിനു പിന്തുണയ്ക്കണമെങ്കില് രാഷ്ട്രീയമായിട്ടുള്ള അനുവാദം വേണം. രാഷ്ട്രീയ സ്വാധീനം പൊലീസില് ഇത്ര കഠിനമായിട്ട് നിലനില്ക്കുന്നത് കൊണ്ട് മാത്രമാണ് സ്ത്രീകള്ക്ക് സുരക്ഷിതത്വം ഇല്ലാതാകുന്നത്. അത് പൊലീസില് മാത്രമല്ല. അടുത്തിടെ ഒരു മന്ത്രിയുടെ ഭാര്യയെ പുറത്തിറങ്ങാന് കഴിയാത്ത അവസ്ഥയില് അടച്ചിട്ടപ്പോള് അവര് 112ല് വിളിച്ചിട്ടും സഹായം ലഭിച്ചില്ല. കാരണം എതിര്ഭാഗത്തു നില്ക്കുന്നത് മന്ത്രിയായതുകൊണ്ടാണ്. Disclaimer : വാർത്തയുടെ കൂടെയുള്ള ചിത്രം മലയാള മനോരമയുടേതല്ല. ചിത്രം @Sreelekha R എന്ന ഫെയ്സ്ബുക്ക് അക്കൗണ്ടിൽ നിന്ന് എടുത്തതാണ്.
Source link
