യുവാവ് പുഴയിൽ ചാടി; കൂടെയുണ്ടായിരുന്ന പെൺകുട്ടി ബഹളം വച്ചു, രക്ഷകരായി അഗ്നിരക്ഷാസേന

കണ്ണൂർ ∙ യുവാവ് പാലത്തിൽ നിന്നും പുഴയിൽ ചാടിയത് നാട്ടുകാരെ ആശങ്കയിലാഴ്ത്തി. എഴിലോട് സ്വദേശി ശ്രീനന്ദ് (21) ആണ് കാര താലിച്ചാലം പാലത്തിന്റെ മുകളിൽ നിന്നും ചാടിയത്. അർധരാത്രിയാണ് സംഭവം. യുവാവിനൊപ്പം ബൈക്കിൽ ഉണ്ടായിരുന്ന പെൺകുട്ടി ബഹളം വച്ചതിനെ തുടർന്ന് നാട്ടുകാർ പയ്യന്നൂർ അഗ്നിരക്ഷാസേനയിൽ വിവരം അറിയിച്ചു. അഗ്നിരക്ഷാസേനാംഗങ്ങളും നാട്ടുകാരും തിരച്ചിൽ നടത്തുന്നതിനിടെ 200 മീറ്ററോളം ഒഴുകി അവശനിലയിൽ യുവാവിനെ കണ്ടെത്തി. തുടർന്ന് പയ്യന്നൂർ ഗവ. ആശുപത്രിയിൽ പ്രവേശിപ്പിച്ചു. യുവാവ് അപകടനില തരണം ചെയ്തു. സീനിയർ ഫയർ ആൻഡ് റെസ്ക്യൂ ഓഫിസർ പി.വി.ദയാൽ, ഗ്രേഡ് അസിസ്റ്റന്റ് സ്റ്റേഷൻ ഓഫിസർ പി.കെ.അജിത്കുമാർ, ഫയർ ആൻഡ് റെസ്ക്യു ഓഫിസർമാരായ കെ.വി.വിപിൻ, പി.പി.രാഹുൽ, യു.കെ.ലിജീഷ്, ഹോം ഗാർഡുമാരായ വി.വി.പദ്മനാഭൻ, ടി.കെ.ശ്രീജേഷ് എന്നിവർ രക്ഷാപ്രവർത്തനത്തിനു നേതൃത്വം നൽകി.


Source link