test del 3
‘എഫ്സിആര്എ ഭേദഗതിയിൽ ആശങ്ക, കേന്ദ്രം പിന്തിരിയണം’; നരേന്ദ്ര മോദിക്ക് കത്തയച്ച് മുഖ്യമന്ത്രി
തിരുവനന്തപുരം∙ വിദേശ സംഭാവന സ്വീകരിക്കല് നിയന്ത്രണ നിയമം (എഫ്സിആര്എ) ഭേദഗതി വരുത്തുന്നതിനുള്ള ബില്ലിലെ ചില വ്യവസ്ഥകള് രാജ്യത്തെ ന്യൂനപക്ഷ വിഭാഗങ്ങള്ക്കിടയിലും വിവിധ മത വിഭാഗങ്ങള് നടക്കുന്ന ധര്മ്മസ്ഥാപനങ്ങള്ക്കിടയിലും വലിയ ആശങ്ക ഉയര്ത്തിയിരിക്കുകയാണെന്നു ചൂണ്ടിക്കാട്ടി പ്രധാനമന്ത്രി നരേന്ദ്ര മോദിക്ക് കത്തയച്ച് മുഖ്യമന്ത്രി പിണറായി വിജയന്. നിയമ ഭേദഗതിയുമായി മുന്നോട്ട് പോകുന്നതില് നിന്ന് കേന്ദ്രം പിന്തിരിയണമെന്ന് മുഖ്യമന്ത്രി കത്തില് ആവശ്യപ്പെട്ടു.തികച്ചും സാങ്കേതിക കാരണങ്ങളാല്പോലും അനുമതി ലഭിക്കുന്നതില് കാലതാമസം ഉണ്ടാകുകയോ, അപേക്ഷ സമര്പ്പിക്കുന്നതില് വൈകല്യം സംഭവിക്കുകയോ ചെയ്താല് ആസ്തികള് കേന്ദ്ര സര്ക്കാര് താല്ക്കാലികമായി ഏറ്റെടുക്കുന്ന അവസ്ഥയിലേക്കാണ് ഇത് നയിക്കുന്നത്. നിശ്ചിത സമയപരിധിക്കുള്ളില് റജിസ്ട്രേഷന് പുതുക്കാന് കഴിയാതിരുന്നാല് ബന്ധപ്പെട്ട ആസ്തികള് കണ്ടുകെട്ടപ്പെടുന്ന സാഹചര്യം ഉണ്ടാകും.
Source link
