യുഎസ് മുക്കിയ ഐറിസ് ദേനയിലെ പരിക്കേറ്റ 22 നാവികർ ആശുപത്രി വിട്ടു,​ 10 പേർ ഇപ്പോഴും ചികിത്സയിൽ

കൊളംബോ: ശ്രീലങ്കൻ തീരത്ത് അമേരിക്കൻ അന്തർവാഹിനി തൊടുത്ത ടോർപ്പിഡോ ആക്രമണത്തിൽ തകർന്ന ഇറാനിയൻ പടക്കപ്പൽ ഐറിസ് ദേനയിലെ 22 നാവികർ ആശുപത്രി വിട്ടു. പരിക്കേറ്റ് ചികിത്സയിലായിരുന്ന ഇവരെ ഇന്ന് ഡിസ്ചാർജ് ചെയ്‌‌തുവെന്ന് ആശുപത്രി അധികൃതർ അറിയിച്ചു. ഗാലെയിലെ നാഷണൽ ഹോസ്പിറ്റലിൽ ചികിത്സയിലായിരുന്ന നാവികരെ കടുത്ത സുരക്ഷാ വലയത്തിൽ ആംബുലൻസുകളിലാണ് കൊഗലയിലെ ശ്രീലങ്കൻ വ്യോമസേനാ താവളത്തിലേക്ക് മാറ്റിയത്.
കൊല്ലപ്പെട്ടവരുടെ മൃതദേഹങ്ങൾ ഉടൻ തന്നെ ഇറാനിലേക്ക് അയക്കാനുള്ള നടപടികൾ ശ്രീലങ്കൻ സർക്കാർ ആരംഭിച്ചിട്ടുണ്ട്. എന്നാൽ നിലവിലെ യുദ്ധ സാഹചര്യത്തിൽ കടൽ മാർഗമോ വ്യോമ മാർഗമോ ഇവ കൊണ്ടുപോകുന്നത് സുരക്ഷിതമല്ലെന്നാണ് അധികൃതർ അറയിച്ചത്.


Source link