കോലിക്കു പകരം ഓപ്പണർ ബാറ്റർ ഏകദിന ടീമിൽ, ട്വന്റി20യിൽ സൂര്യയ്ക്കൊപ്പം ഈ 3 പേരും പുറത്ത്; തിരിച്ചെത്തി ലോകകപ്പ് നഷ്ടമായ താരം

മുംബൈ ∙ അഫ്ഗാനിസ്ഥാനെതിരായ ഏകദിന പരമ്പരയ്ക്കുള്ള ടീമിൽന്നു പുറത്തായ സൂപ്പർ താരം വിരാട് കോലിക്കു പകരക്കാരനെ പ്രഖ്യാപിച്ച് ബിസിസിഐ. ഓപ്പണർ ബാറ്റർ യശശ്വി ജയ്സ്വാളിനെയാണ് കോലി പകരമായി ടീമിലുൾപ്പെടുത്തിയത്. ഇംഗണ്ട്/അയർലൻഡ് ട്വന്റി20 പരമ്പരകൾക്കും ഏഷ്യൻ ഗെയിംസിനുമുള്ള ഇന്ത്യൻ ടീമിനെ പ്രഖ്യാപിക്കുന്നതിനൊപ്പം ചീഫ് സെലക്ടർ അജിത് അഗാർക്കർ തന്നെയാണ് കോലിക്കു പകരക്കാരനെയും പ്രഖ്യാപിച്ചത്. ദേവ്‌ദത്ത് പടിക്കൽ, സായ് സുദർശൻ തുടങ്ങിയവരെയും പരിഗണിച്ചിരുന്നതായി സൂചനയുണ്ടായിരുന്നെങ്കിലും ഒടുക്കം ജയ്‌സ്വാളിനു തന്നെ നറുക്കു വീഴുകയായിരുന്നു. അതേസമയം, ട്വന്റി20 ടീമിന്റെ ക്യാപ്റ്റനായി ശ്രേയസ്സ് അയ്യരെ പ്രഖ്യാപിച്ചു. സൂര്യകുമാർ യാദവിനു പിൻഗാമിയായാണ് ശ്രേയസ്സ് ഇന്ത്യയുടെ ട്വന്റി20 ക്യാപ്റ്റനാകുന്നത്. മോശം ഫോമിലുള്ള സൂര്യകുമാറിനെ ടീമിൽനിന്നും ഒഴിവാക്കി. ഐപിഎലിൽ മിന്നും പ്രകടനം കാഴ്ചവച്ച പതിനഞ്ചുകാരൻ വൈഭവ് സൂര്യവംശിയെ ടീമിലുൾപ്പെടുത്തി. ഇന്ത്യൻ സീനിയർ ക്രിക്കറ്റ് ടീമിന്റെ ഭാഗമാകുന്ന പ്രായം കുറഞ്ഞ താരമാണ് വൈഭവ് സൂര്യവംശി. വൈഭവിനെ കൂടാതെ പ്രിൻസ് യാദവാണ് ട്വന്റി20 ടീമിലേക്ക് ആദ്യമായി വിളിയെത്തിയ മറ്റൊരു താരം. ഐപിഎലിലെ മികച്ച പ്രകടനാണ് ലക്നൗ സൂപ്പർ ജയന്റ്സ് പേസറിനു തുണയായത്. നേരത്തെ, അഫ്ഗാനിസ്ഥാനെതിരായ ഏകദിന പരമ്പരയിലും താരം സ്ഥാനം പിടിച്ചിരുന്നു.അയർലൻഡിനും ഇംഗ്ലണ്ടിനുമെതിരായ പരമ്പരയ്ക്കുള്ള ഇന്ത്യൻ ടീം: ശ്രേയസ് അയ്യർ (ക്യാപ്റ്റൻ), വൈഭവ് സൂര്യവംശി, അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), ഇഷാൻ കിഷൻ (വിക്കറ്റ് കീപ്പർ), ശിവം ദുബെ, തിലക് വർമ (വൈസ് ക്യാപ്റ്റൻ), നിതീഷ് കുമാർ റെഡ്ഡി, അക്ഷർ പട്ടേൽ, വാഷിങ്ടൻ സുന്ദർ, മുഹമ്മദ് സിറാജ്, വരുൺ ചക്രവർത്തി, ഹർഷിത് റാണ, പ്രിൻസ് യാദവ്, രവി ബിഷ്‌നോയ്, അർഷ്ദീപ് സിങ്


Source link