സാധാരണക്കാരന് ആശ്വാസം യുവാക്കള്ക്ക് വരുമാന മാര്ഗം; കേരളത്തില് ആദ്യം നടപ്പിലാക്കുക രണ്ട് നഗരങ്ങളില്
കൊച്ചി: നിയന്ത്രിത നഗര ഗതാഗതത്തില് നാഴികക്കല്ലായ നേട്ടമായി മാറിക്കൊണ്ട് ഇന്ത്യയിലെ മുന്നിര മൊബിലിറ്റി പ്ലാറ്റ്ഫോമായ റാപ്പിഡോ കേരളത്തില് പ്രവര്ത്തനം ആരംഭിക്കുന്നതിന് ലൈസന്സ് നേടി. ഇതോടെ സംസ്ഥാനത്തെ ആദ്യത്തെ അംഗീകൃത ലൈസന്സുള്ള അഗ്രിഗേറ്ററായി റാപ്പിഡോ മാറി. ഇരുചക്ര, മുച്ചക്ര, നാലു ചക്രവാഹന വിഭാഗങ്ങളിലെല്ലാം റാപ്പിഡോ ഈ ലൈസന്സ് നേടിയിട്ടുണ്ട്.ലൈസന്സ് നിലവില് വരുന്നതോടെ കൊച്ചിയിലും തിരുവനന്തപുരത്തും റാപ്പിഡോ ബൈക്ക് ടാക്സി പ്രവര്ത്തനങ്ങള് ആരംഭിക്കും. കേരളത്തില് ഘടനാപരവും നിയമപരവുമായ നിബന്ധനകള് പാലിച്ചുകൊണ്ടുള്ള ഇരുചക്രവാഹന ഗതാഗതത്തിന്റെ ഒരു പുതിയ യുഗത്തിന് തുടക്കമിടും. സംസ്ഥാന അധികാരികളുമായി അടുത്ത് പ്രവര്ത്തിക്കുന്നതിനും നിയന്ത്രണ ചട്ടക്കൂടുകള് പാലിക്കുന്നതിനും യാത്രക്കാര്ക്ക് സുരക്ഷിതവും താങ്ങാനാവുന്നതുമായ ആദ്യ-അവസാന മൈല് കണക്ടിവിറ്റി നല്കുന്നതിനുമുള്ള റാപ്പിഡോയുടെ പ്രതിബദ്ധത ശക്തിപ്പെടുത്തുന്നതാണ് ഈ നീക്കമെന്ന് കമ്പനി അവകാശപ്പെടുന്നു.
Source link
