test del 4 copy of del 3
വയോധികയെ കഴുത്തു ഞെരിച്ചു കൊലപ്പെടുത്തിയ കേസ്: പീഡന ശ്രമം നടന്നു, കുറ്റം സമ്മതിച്ച് യുവാവ്
തിരുവനന്തപുരം∙ വെഞ്ഞാറമൂട്ടില് ഒറ്റയ്ക്ക് താമസിക്കുന്ന വയോധിക കൊല്ലപ്പെട്ട സംഭവത്തില് പൊലീസ് കസ്റ്റഡിയില് എടുത്ത ഇരുപത്തിരണ്ടുകാരന് കുറ്റം സമ്മതിച്ചു. വയോധികയെ കിടപ്പുമുറിയില് കഴുത്തു ഞെരിച്ചു കൊലപ്പെടുത്തിയ നിലയില് കണ്ടെത്തിയ സംഭവത്തില് ശ്രീ നാരായണപുരം സ്വദേശി ജിത്തു (22) ആണ് പിടിയിലായത്. പ്രതി ലഹരി ഉപയോഗിച്ചിരുന്നതായും പീഡനശ്രമം നടന്നതായും പൊലീസ് പറയുന്നു. വീടിന്റെ പിന്വാതിലിന്റെ കുറ്റി തകര്ത്ത നിലയിലും മുന്വാതില് തുറന്ന നിലയിലുമായിരുന്നു. മുറിയില് നിന്ന് സിഗരറ്റ് കുറ്റികളും മൊബൈല് ഫോണും കണ്ടെടുത്തു. തുടര്ന്നാണ് പൊലീസ് ഫോണിന്റെ ഉടമയായ ജിത്തുവിനെ പിടികൂടിയത്. സംഭവസമയത്ത് ആക്ടീവായിരുന്ന മറ്റൊരു ഫോണ് കൊലപാതകം നടന്ന വീടിനു സമീപത്തു തന്നെ ഉണ്ടെന്നു കണ്ടെത്തിയതോടെ അടുത്ത വീട്ടില് ഉറക്കത്തിലായിരുന്ന ഇയാളെ കസ്റ്റഡിയില് എടുക്കുകയായിരുന്നു. തുടര്ന്നു നടത്തിയ ചോദ്യം ചെയ്യലിലാണ് ജിത്തു കുറ്റം സമ്മതിച്ചത്. ബുധനാഴ്ച രാവിലെ പുരയിടം വൃത്തിയാക്കാന് എത്തിയ തൊഴിലാളികളാണ് വയോധികയുടെ മൃതദേഹം കണ്ടത്. പൊലീസ് പ്രതിയെ തിരയുന്നതിനിടയിലും യാതൊരു ഭാവമാറ്റവുമില്ലാതെ ജിത്തു ബന്ധു വീട്ടില് കിടന്ന് ഉറങ്ങുകയായിരുന്നു.
Source link
