ബാഴ്സലോണ : ഈ സീസണിലെ യുവേഫ ചാമ്പ്യൻസ് ലീഗ് ഫുട്ബാൾ പ്രീ ക്വാർട്ടർ ഫൈനൽ മത്സരങ്ങൾക്ക് ഇന്ന് തുടക്കമാകും. ഇന്ന് നടക്കുന്ന ആദ്യ പാദ മത്സരങ്ങളിൽ മുൻ ചാമ്പ്യന്മാരായ ബാഴ്സലോണ,ലിവർപൂൾ,ബയേൺ മ്യൂണിക്ക് തുടങ്ങിയവർ കളത്തിലിറങ്ങും.ഇംഗ്ളീഷ് ക്ളബ് ലിവർപൂളിന് തുർക്കി ക്ളബ് ഗലറ്റസറിയാണ് എതിരാളികൾ.പ്രാഥമിക റൗണ്ടിലെ മൂന്നാം സ്ഥാനക്കാരാണ് ലിവർപൂൾ. 20-ാം സ്ഥാനത്തായിരുന്ന ഗലറ്റസറി പ്ളേഓഫിൽ ഇറ്റാലിയൻ ക്ളബ് യുവന്റസിനെ അട്ടിമറിച്ചാണ് പ്രീ ക്വാർട്ടറിലെത്തിയത്. മറ്റൊരു ആദ്യ പാദ പ്രീ ക്വാർട്ടർ പോരാട്ടത്തിൽ സ്പാനിഷ് ക്ളബ് അത്ലറ്റിക്കോ മാഡ്രിഡ് ഇംഗ്ളീഷ് ക്ളബ് ടോട്ടൻഹാമിനെ നേരിടും. അത്ലറ്റിക്കോയുടെ ഹോം ഗ്രൗണ്ടിലാണ് ഇന്നത്തെ മത്സരം. മുൻ ചാമ്പ്യന്മാരായ ബയേൺ മ്യൂണിക്ക് ഇന്ന് എവേ മാച്ചിൽ ഇറ്റാലിയൻ ക്ളബ് അറ്റലാന്റയെ നേരിടും.
Source link
