CINEMA
മെയ്ഡ് ഇൻ കൊറിയ ടോപ്പ് ടെൻ ലിസ്റ്റിൽ ഒന്നാമത്

നെറ്റ്ഫ്ലിക്സിന്റെ തമിഴ് ചിത്രം ’മെയ്ഡ് ഇൻ കൊറിയ’ ലോകമെമ്പാടുമുള്ള പ്രേക്ഷകരുടെ ഇഷ്ടം പിടിച്ചുപറ്റുന്നു. പ്രിയങ്ക മോഹൻ കേന്ദ്രകഥാപാത്രത്തെ അവതരിപ്പിച്ച ചിത്രം രാ. കാർത്തിക് ആണ് സംവിധാനം ചെയ്തത്. നെറ്റ്ഫ്ലിക്സിന്റെ ആഗോള ടോപ്പ് 10 ലിസ്റ്റിൽ (ഇതര ഇംഗ്ലീഷ് വിഭാഗം) ഒന്നാം സ്ഥാനത്തെത്തിയ ചിത്രം 24 രാജ്യങ്ങളിലാണ് ഇപ്പോൾ ട്രെൻഡിംഗിൽ. ഇതോടെ നെറ്റ്ഫ്ലിക്സിൽ ഒറിജിനൽ, ലൈസൻസ്ഡ് വിഭാഗങ്ങളിൽ ഒന്നാം സ്ഥാനത്തെത്തുന്ന ആദ്യ ദക്ഷിണേന്ത്യൻ ചിത്രം എന്ന നേട്ടവും ’മെയ്ഡ് ഇൻ കൊറിയ’ സ്വന്തമാക്കി.
മാർച്ച് 12ന് പ്രീമിയർ ചെയ്ത ഉടൻ തന്നെ മികച്ച പ്രതികരണമാണ് നേടിയത്. തമിഴ്നാട്ടിൽ നിന്നും സോളിലേക്കുള്ള ഷെൻബ എന്ന പെൺകുട്ടിയുടെ യാത്ര, മനോഹരമായ ദൃശ്യങ്ങൾ, പ്രിയങ്കയുടെ മികച്ച പ്രകടനം എന്നിവ സിനിമയെ ആഗോളതലത്തിൽ ശ്രദ്ധേയമാക്കി. ”ദക്ഷിണേന്ത്യയിൽ നിന്നുള്ള ഒരു ചിത്രം ആഗോളതലത്തിൽ ഒന്നാം സ്ഥാനത്തെത്തുന്നത് അഭിമാനകരമായ നിമിഷമാണ്.
വിവിധ രാജ്യങ്ങളിലെ പ്രേക്ഷകരിലേക്ക് ചിത്രം എത്തിക്കാൻ ഇത്രയും മികച്ചൊരു പ്ലാറ്റ് ഫോംഒരുക്കിത്തന്ന നെറ്റ്ഫ്ലിക്സിനോടും നന്ദി അറിയിക്കുകയാണെന്ന് സംവിധായകൻ രാ. കാർത്തിക് വ്യക്തമാക്കി. ഹൃദ്യമായ കഥയിലൂടെയും ആർക്കും പെട്ടെന്ന് ഇണങ്ങിച്ചേരാവുന്ന വികാരങ്ങളിലൂടെയും ’മെയ്ഡ് ഇൻ കൊറിയ’ ലോകമെമ്പാടും പ്രേക്ഷകരുടെ ഹൃദയത്തിൽ ഇടംപിടിക്കുന്നതിന്റെ ആവേശത്തിലാണ് പ്രിയങ്ക മോഹൻ.
Source link



