ലണ്ടൻ : ഇംഗ്ളണ്ടിൽ നടക്കുന്ന ദ ഹൺഡ്രഡ് ക്രിക്കറ്റ് ലീഗിന്റെ താരലേലത്തിൽ ഇന്ത്യക്കാരിയായ കാവ്യ മാരന്റെ ഉടമസ്ഥതയിലുള്ള സൺറൈസേഴ്സ് ലീഡ്സ് ടീം പാകിസ്ഥാൻ താരമായ സ്പിന്നർ അബ്രാർ അഹമ്മദിനെ സ്വന്തമാക്കിയത് വിവാദമായി. ഇന്ത്യൻ പ്രിമിയർ ലീഗിൽ സൺറൈസേഴ്സ് ഹൈദരാബാദിന്റെ ഉടമയാണ് കാവ്യ. പാകിസ്ഥാനി താരത്തെ വാങ്ങിയത് ദേശീയതയ്ക്ക് നിരക്കാത്തതാണെന്ന് ചൂണ്ടിക്കാട്ടി സോഷ്യൽ മീഡിയയിൽ നിരവധി പോസ്റ്റുകളാണ് വന്നത്. ഇതേത്തുടർന്ന് സോഷ്യൽ മീഡിയ പ്ളാറ്റ്ഫോമായ എക്സ് സൺറൈസേഴ്സ് ലീഡ്സ് ടീമിന്റെ ഔദ്യോഗിക അക്കൗണ്ട് താത്കാലികമായി സസ്പെൻഡ് ചെയ്തിരിക്കുകയാണ്.
Source link
