പന്ത്രണ്ടുകാരിയെ ലൈംഗികമായി ചൂഷണം ചെയ്ത് വഴിയിൽ ഇറക്കിവിട്ടു, ആലപ്പുഴയിൽ സിപിഐ നേതാവിനെതിരെ പോക്സോ കേസ്
ആലപ്പുഴ: പന്ത്രണ്ടുകാരിയെ ലൈംഗികമായി ചൂഷണം ചെയ്തതിന് സിപിഐ മുൻ ബ്രാഞ്ച് സെക്രട്ടറിക്കെതിരെ പോക്സോ കേസ്. ആദിക്കാട്ടുകുളങ്ങര പുലച്ചാടിവിള വടക്കേതിൽ എച്ച് ദിലീപിനെതിരെയാണ് (42) നൂറനാട് പൊലീസ് കേസെടുത്തത്. വെള്ളിയാഴ്ചയാണ് കേസിനാസ്പദമായ സംഭവം നടന്നത്. ഇയാൾ ഒളിവിലാണ്.
പെൺകുട്ടിയെ സ്കൂളിൽ കൊണ്ടുവിടാമെന്ന വ്യാജേന ദിലീപ് കാറിൽ കയറ്റിക്കൊണ്ടുപോകുകയായിരുന്നു. ആളൊഴിഞ്ഞ സ്ഥലത്തുവച്ച് ലൈംഗികമായി ചൂഷണംചെയ്തു. പെൺകുട്ടി എതിർത്തപ്പോൾ പുറത്തുപറഞ്ഞാൽ കൊന്നുകളയുമെന്ന് ഭീഷണിപ്പെടുത്തിയശേഷം ബസ് സ്റ്റോപ്പിനുസമീപം ഇറക്കിവിടുകയായിരുന്നു. തുടർന്ന് പ്രതി തദ്ദേശ തിരഞ്ഞെടുപ്പിലെ സ്ഥാനാർത്ഥികളുടെ പ്രചാരണത്തിനായി പോയി.
സ്കൂളിലെത്തിയ കുട്ടി സുഹൃത്തുക്കളോട് അദ്ധ്യാപകരോടും വിവരം പറയുകയായിരുന്നു. സ്കൂൾ അധികൃതരാണ് പൊലീസിനെ വിവരമറിയിച്ചത്. എസ് ഐ അജിത്തിന്റെ നേതൃത്വത്തിൽ കുട്ടിയുടെ മൊഴി രേഖപ്പെടുത്തിയ ശേഷം കേസെടുക്കുകയായിരുന്നു.
Source link
