കൊച്ചി: ഇൻഫോസിസ് സയൻസ് ഫൗണ്ടേഷൻ (ഐ.എസ്.എഫ്) ബംഗളൂരുവിൽ നടന്ന ചടങ്ങിൽ 2025ലെ ഇൻഫോസിസ് പുരസ്കാര ജേതാക്കൾക്ക് സമ്മാനം വിതരണം ചെയ്തു. നൊബേൽ സമ്മാന ജേതാവ് റാണ്ടി ഷെക്മാൻ ആറ് വിഭാഗങ്ങളിലായുള്ള പുരസ്കാര ജേതാക്കൾക്കും തങ്കപ്പതക്കവും പ്രശസ്തി പത്രവും സമ്മാനതുകയായ 1,00,000 യു.എസ് ഡോളറും നൽകി. സാമ്പത്തിക ശാസ്ത്രം, എൻജിനീയറിംഗ്, കമ്പ്യൂട്ടർ സയൻസ്, ഹ്യുമാനിറ്റീസ്, സാമൂഹിക ശാസ്ത്രം, ലൈഫ് സയൻസസ്, ഗണിതശാസ്ത്രം, ഭൗതികശാസ്ത്രം എന്നീ ആറ് വിഭാഗങ്ങളിലായി നൽകിയ മികച്ച സംഭാവനകൾ പരിഗണിച്ചാണ് വിജയികൾക്ക് പുരസ്കാരം നൽകിയത്.
പ്രൊഫ. നിഖിൽ അഗർവാൾ (സാമ്പത്തികശാസ്ത്രം), പ്രൊഫ. സുശാന്ത് സച്ച്ദേവ (എൻജിനീയറിംഗ് ആൻഡ് കമ്പ്യൂട്ടർ സയൻസ്), പ്രൊഫ. ആൻഡ്രൂ ഒല്ലെറ്റ് (ഹ്യൂമാനിറ്റീസും സാമൂഹിക ശാസ്ത്രവും), പ്രൊഫ. അഞ്ജന ബദ്രിനാരായണൻ (ലൈഫ് സയൻസസ്), പ്രൊഫ. സബ്യസാചി മുഖർജി(ഗണിതശാസ്ത്രം), പ്രൊഫ. കാർത്തിഷ് മന്ദിരാം (ഭൗതിക ശാസ്ത്രം) എന്നിവരാണ് പുരസ്കാര ജേതാക്കൾ.
ഇൻഫോസിസ് സയൻസ് ഫൗണ്ടേഷന്റെ ട്രസ്റ്റിമാരായ കെ. ദിനേശ്, നാരായണ മൂർത്തി, ക്രിസ് ഗോപാലകൃഷ്ണൻ, എസ്. ഡി. ഷിബുലാൽ, മോഹൻദാസ് പൈ, നന്ദൻ നിലേകനി, സലിൽ പരേഖ് എന്നിവർ പങ്കെടുത്തു.
Source link
