ഹോർമൂസ് കടന്നുപോകണമെങ്കിൽ രണ്ട്  മില്യൺ  ഡോളർ നൽകണം; കപ്പലുകൾക്ക് ടോൾ ഏർപ്പെടുത്തി ഇറാൻ

ടെഹ്‌‌‌റാൻ: ഹോർമൂസ് കടലിടുക്കിലൂടെ കടന്നുപോകുന്നതിന് കപ്പലുകൾക്ക് ടോൾ ഏർപ്പെടുത്തി ഇറാൻ. രണ്ട് മില്യൺ ഡോളർ (18.8 കോടി രൂപ) ആണ് കപ്പലുകൾ നൽകേണ്ടി വരിക. പാർലമെന്റ് ദേശീയ സുരക്ഷാ കമ്മിറ്റിയിലെ അംഗമായ അലാദ്ദീൻ ബൊറൂജെർഡി ആണ് ഇക്കാര്യം അറിയിച്ചത്.പതിറ്റാണ്ടുകൾക്ക് ശേഷം ഹോർമൂസ് കടലിടുക്കിൽ ഒരു പുതിയ പരമാധികാര ഭരണകൂടത്തെ പ്രതിഫലിപ്പിക്കുന്നതാണ് ഈ നീക്കമെന്ന് ബൊറൂജെർഡി പറഞ്ഞു. കടലിടുക്ക് കടക്കുന്ന ചില കപ്പലുകളിൽ നിന്ന് രണ്ട് മില്യൺ ഡോളർ ആണ് ഗതാഗത ഫീസായി ഈടാക്കുന്നത്. ഇത് ഇറാന്റെ ശക്തിയെ പ്രതിഫലിപ്പിക്കുന്നു. യുദ്ധത്തിന് ചിലവുകൾ ഉള്ളതിനാൽ സ്വാഭാവികമായും പണം ഈടാക്കേണ്ടതുണ്ടെന്നും അദ്ദേഹം വ്യക്തമാക്കി.


Source link