ജമ്മു കശ്മീരിൽ സൈനിക വാഹനത്തിനു നേരെ വെടിവയ്പ്പ്; തിരിച്ചടിച്ച് സൈന്യം, ആളപായമില്ല

6 Less than a minute

ശ്രീനഗർ ∙ ജമ്മു കശ്മീരിൽ സൈനിക വാഹനത്തിനു നേരെ വെടിവയ്പ്പ്. ഭീകരാക്രമണമാണെന്നാണ് സംശയം. രജൗരി ജില്ലയിൽ നിയന്ത്രണ രേഖയ്ക്ക് സമീപമുള്ള സുന്ദർബനി സെക്ടറിലെ ഫാൽ ഗ്രാമത്തിലാണ് സംഭവം. തീവ്രവാദികൾ നുഴഞ്ഞുകയറാനിടയുള്ള വനത്തോട് ചേർന്നുള്ള പാതയിലൂടെ സൈനിക വാഹനം കടന്നുപോയപ്പോൾ ഒളിച്ചിരിക്കുകയായിരുന്ന ഭീകരർ വെടിയുതിർക്കുകയായിരുന്നു. സംഭവത്തിൽ ആളപായമില്ലെന്നാണ് വിവരം. സൈന്യം ശക്തമായി തിരിച്ചടിച്ചതായി ഉദ്യോഗസ്ഥരെ ഉദ്ധരിച്ച് ദേശീയ മാധ്യമങ്ങൾ റിപ്പോർട്ട് ചെയ്തു. പ്രദേശത്ത് സൈന്യം തിരച്ചിൽ‌ നടത്തുകയാണ്.

Source link