തൊഴിൽ സുരക്ഷയില്ലാതെ ഗിഗ് തൊഴിലാളികൾ

കെ.എൻ.സുരേഷ് കുമാർ | Tuesday 12 November, 2024 | 12:00 AM

തൃശൂർ: ഡിജിറ്റൽ യുഗത്തിൽ ഫോണും വാഹനവുമുണ്ടെങ്കിൽ ആർക്കും ഗിഗ് (ഡിജിറ്റൽ മേഖല)തൊഴിലാളിയാകാം. തൊഴിലില്ലായ്മ വർദ്ധിക്കുന്ന സാഹചര്യത്തിൽ 2029- 30ൽ രാജ്യത്ത് ഇവരുടെ എണ്ണം 2.3 കോടിയായേക്കും. ഇപ്പോൾ 77 ലക്ഷത്തോളം പേരുണ്ട്. സംസ്ഥാനത്ത് യുവതികൾ ഉൾപ്പെടെ രണ്ട് ലക്ഷത്തോളം ഗിഗ് തൊഴിലാളികളുണ്ട്.

ഓർഡറനുസരിച്ച് ഭക്ഷണവുമായി പാഞ്ഞെത്തുന്ന ഓൺലൈൻ ഭക്ഷണ വിതരണ തൊഴിലാളികൾക്ക് വിശ്രമത്തിനുള്ള സൗകര്യമില്ല. ഹോട്ടലുകൾക്കു മുമ്പിലോ റോഡ് വക്കിലോ കാത്തുനിൽക്കണം. ടോയ്‌ലെറ്റ് ഉപയോഗിക്കണമെങ്കിലും ഹോട്ടലുടമ കനിയണം.ഭക്ഷണം എത്തിക്കേണ്ട ദൂരത്തിനനുസരിച്ചാണ് പ്രതിഫലം. ഇന്ധനച്ചെലവ് സ്വയം വഹിക്കണം. പീക്ക് അവറുകളിൽ (ഉച്ചയ്ക്ക് 12 – 3 വൈകിട്ട് 6 – 9 ) നിശ്ചിത സമയത്ത് ഓർഡറുകളെത്തിച്ചാൽ ഇൻസെന്റീവുണ്ട്. പ്രതിദിനം 700 മുതൽ 1200 രൂപ വരെ ലഭിക്കാം. കൂടുതൽ സമ്പാദിക്കുന്നവരുമുണ്ട്.

ഗിഗ് തൊഴിലാളികൾക്ക് പ്രത്യേകം തൊഴിൽ നിയമമില്ല, ആരോഗ്യമുള്ളിടത്തോളം ജോലി ചെയ്യാമെന്നല്ലാതെ, തൊഴിൽ സുരക്ഷയുമില്ല. മുതലാളി തൊഴിലാളി ബന്ധമില്ല. അടിസ്ഥാന ശമ്പളം, പി.എഫ്, ഇ.എസ്.ഐ, ഓവർടൈം ആനുകൂല്യങ്ങളൊന്നുമില്ല. തൊഴിലാളികൾ സംഘടിതരുമല്ല. ഇവരുടെ ജോലിയിൽ വേഗത്തിന് പ്രാധാന്യം നൽകുന്നതിനാൽ അതിന്റേതായ സമ്മർദ്ദവുമുണ്ട്. അതിവേഗം സഞ്ചരിക്കേണ്ടതിനാൽ അപകടസാദ്ധ്യതയും ഏറെയാണ്. പ്രതിഫലവും ജോലി വ്യവസ്ഥകളും വ്യത്യസ്തമാണ്.

അതേസമയം, ബോസിനെ ഭയക്കാതെ സ്വാതന്ത്ര്യത്തോടെ ജോലി ചെയ്യാം. ജോലിക്ക് ഇഷ്ടമുള്ള സമയം തിരഞ്ഞെടുക്കാം. ബാക്കി സമയം മറ്റു ജോലികളാകാം എന്നതൊക്കെ ഗിഗ് തൊഴിലാളികളെ ആകർഷിക്കുന്ന ഘടകങ്ങളാണ്.

ഗിഗ് തൊഴിലാളി ക്ഷേമത്തിന് നിയമമുണ്ടാക്കാനുള്ള ശ്രമത്തിലാണ് കേരളം. 2021ൽ കർണാടക നിയമം പാസാക്കിയിരുന്നു. 2020ൽ ക്ഷേമനിധിയുണ്ടാക്കാൻ കേന്ദ്രസർക്കാർ ശ്രമിച്ചിരുന്നു.

ഗിഗ് വർക്കർമാർ

സൊമാറ്റോ, സ്വിഗ്ഗി (ഭക്ഷണവിതരണം),

ഊബർ, ഓല (ഗതാഗതം),

ഫ്‌ളിപ്പ്കാർട്ട്, ആമസോൺ (ഡ്രസ്, വീട്ടുസാധനങ്ങളുടെ വിതരണം)

ശൈ​ലി​ 2​ ​ര​ണ്ടാം​ഘ​ട്ട​ ​സ്‌​ക്രീ​നിം​ഗ് ​(​ഡെ​ക്ക്)
50​ല​ക്ഷം​ ​പേ​രി​ൽ​ 1.10​ ​ല​ക്ഷ​ത്തി​​​ന് ​കാ​ൻ​സ​ർ​ ​സാ​ദ്ധ്യത

തി​രു​വ​ന​ന്ത​പു​രം​ ​:​ ​ആ​ർ​ദ്രം​ ​ആ​രോ​ഗ്യം​ ​ജീ​വി​ത​ശൈ​ലി​ ​രോ​ഗ​നി​ർ​ണ​യ​ ​സ്‌​ക്രീ​നിം​ഗി​ന്റെ
ഭാ​ഗ​മാ​യി​ 50​ല​ക്ഷം​ ​പേ​രി​ൽ​ ​പ​രി​ശോ​ധ​ന​ ​ന​ട​ത്തി​യ​പ്പോ​ൾ​ 1,10,781​ ​പേ​ർ​ക്ക് ​കാ​ൻ​സ​ർ​ ​സാ​ദ്ധ്യ​ത​ ​ക​ണ്ടെ​ത്തി.​ ​ഇ​വ​രെ​ ​തു​ട​ർ​ചി​കി​ത്സ​യ്ക്കാ​യി​ ​റ​ഫ​ർ​ ​ചെ​യ്തു.​ ​രോ​ഗ​ങ്ങ​ൾ​ ​മു​ൻ​കൂ​ട്ടി​ ​ക​ണ്ടെ​ത്തി​ ​പ്ര​തി​രോ​ധി​ക്കു​ന്ന​തി​ന്റെ​ ​ഭാ​ഗ​മാ​യാ​ണ് ​സം​സ്ഥാ​ന​ ​ആ​രോ​ഗ്യ​ ​വ​കു​പ്പ് ​ശൈ​ലി​ ​എ​ന്ന​ ​പേ​രി​ൽ​ ​സ്ക്രീ​നിം​ഗ് ​ന​ട​ത്തു​ന്ന​ത്.​ ​ആ​ദ്യ​ഘ​ട്ടം​ ​വി​ജ​യ​ക​ര​മാ​യ​തോ​ടെ​യാ​ണ് ​ര​ണ്ടാം​ഘ​ട്ട​ത്തി​ലേ​ക്ക് ​ക​ട​ന്ന​ത്.​ ​പ​രി​ശോ​ധ​ന​യ്ക്ക് ​വി​ധേ​യ​രാ​യ​വ​രി​ൽ​ 23,21,315​ ​പേ​ർ​ക്ക് ​ജീ​വി​ത​ശൈ​ലീ​ ​രോ​ഗ​സാ​ദ്ധ്യ​ത​യു​ള്ള​താ​യി​ ​ക​ണ്ടെ​ത്തി.​ 1,45,867​ ​പേ​രെ​ ​ടി.​ബി​ ​പ​രി​ശോ​ധ​ന​യ്ക്കാ​യും​ 2,10,641​ ​പേ​രെ​ ​ശ്വാ​സ​കോ​ശ​ ​സം​ബ​ന്ധ​മാ​യ​ ​പ​രി​ശോ​ധ​ന​യ്ക്കാ​യും​ ​റ​ഫ​ർ​ ​ചെ​യ്തു.​ 54,772​ ​കി​ട​പ്പ് ​രോ​ഗി​ക​ളെ​യും​ ​പ​ര​സ​ഹാ​യം​ ​ആ​വ​ശ്യ​മു​ള്ള​ 85,551​ ​പേ​രെ​യും​ 16,31,932​വ​യോ​ജ​ന​ങ്ങ​ളെ​യും​ ​സ​ന്ദ​ർ​ശി​ച്ച് ​തു​ട​ർ​ ​സേ​വ​ന​ങ്ങ​ൾ​ ​ന​ൽ​കു​ന്നു​ണ്ട്.​ ​നി​ല​വി​ൽ​ ​ര​ക്താ​തി​മ​ർ​ദ്ദം​ ​മാ​ത്ര​മു​ള്ള​ 6,53,541​പേ​രു​ടെ​യും​ ​പ്ര​മേ​ഹം​ ​മാ​ത്ര​മു​ള്ള​ 4,31,448​ ​പേ​രു​ടെ​യും​ ​ഇ​വ​ ​ര​ണ്ടു​മു​ള്ള​ 2,71,144​പേ​രു​ടെ​യും​ ​ആ​രോ​ഗ്യ​ ​സം​ബ​ന്ധ​മാ​യ​ ​വി​വ​ര​ങ്ങ​ൾ​ ​രേ​ഖ​പ്പെ​ടു​ത്തി.

മ​റ്റു​ ​രോ​ഗ​സാ​ദ്ധ്യത

കു​ഷ്ഠ​രോ​ഗ​ ​സാ​ദ്ധ്യ​ത​യു​ള്ള​വ​ർ……………………1,45,622
കാ​ഴ്ച​ക്കു​റ​വു​ള്ള​വ​ർ……………………………………..15,94,587
കേ​ൾ​വി​ക്കു​റ​വു​ള്ള​വ​ർ…………………………………2,29,936
മാ​ന​സി​കാ​രോ​ഗ്യ​ ​പ്ര​ശ്ന​മു​ള്ള​വ​ർ…………………71,759
ആ​രോ​ഗ്യ​പ്ര​ശ്ന​മു​ള്ള​ ​വ​യോ​ജ​ന​ങ്ങ​ൾ………..​ 1,24,138

ശൈ​ലി​ 1​ന്റെ​ ​ഭാ​ഗ​മാ​യി​ 30​ ​വ​യ​സി​ന് ​മു​ക​ളി​ൽ​ ​പ്രാ​യ​മു​ള്ള​ 1.54​ ​കോ​ടി​യി​ല​ധി​കം​ ​പേ​രു​ടെ​ ​സ്‌​ക്രീ​നിം​ഗ് ​പൂ​ർ​ത്തി​യാ​ക്കി​ ​രോ​ഗ​സാ​ദ്ധ്യ​ത​ ​ക​ണ്ടെ​ത്തി​യ​വ​ർ​ക്ക് ​തു​ട​ർ​ചി​കി​ത്സ​ ​ഉ​റ​പ്പാ​ക്കി​യ​ ​ശേ​ഷ​മാ​ണ് ​ര​ണ്ടാം​ ​ഘ​ട്ടം​ ​ന​ട​പ്പി​ലാ​ക്കു​ന്ന​ത്.
-​വീ​ണാ​ ​ജോ​ർ​ജ്
ആ​രോ​ഗ്യ​മ​ന്ത്രി

വീ​ട്ടി​ലെ​ത്തി​ ​പ​രി​ശോ​ധന
ഇ​ ​ഹെ​ൽ​ത്ത് ​രൂ​പ​ക​ല്പ​ന​ ​ചെ​യ്ത​ ​ശൈ​ലി​ ​ആ​പ്പി​ന്റെ​ ​സ​ഹാ​യ​ത്തോ​ടെ​ ​ആ​ശാ​ ​പ്ര​വ​ർ​ത്ത​ക​ർ​ ​നേ​രി​ട്ട് ​വീ​ടു​ക​ളി​ലെ​ത്തി​യാ​ണ് ​സ്‌​ക്രീ​നിം​ഗ് ​ന​ട​ത്തു​ന്ന​ത്.​ ​രോ​ഗ​സാ​ദ്ധ്യ​ത​ ​ക​ണ്ടെ​ത്തി​യ​ ​വ്യ​ക്തി​ക​ളെ​ ​പ​രി​ശോ​ധി​ച്ച് ​രോ​ഗ​നി​ർ​ണ​യം​ ​ന​ട​ത്തി​ ​തു​ട​ർ​ചി​കി​ത്സ​ ​ഉ​റ​പ്പാ​ക്കും.​ ​ജീ​വി​ത​ശൈ​ലീ​ ​രോ​ഗ​ങ്ങ​ൾ​ ​നേ​ര​ത്തേ​ ​ത​ന്നെ​ ​ക​ണ്ടു​പി​ടി​ച്ച് ​ചി​കി​ത്സി​ക്കു​ന്ന​ത് ​വ​ഴി​ ​രോ​ഗം​ ​സ​ങ്കീ​ർ​ണ​മാ​കാ​തെ​ ​നി​യ​ന്ത്രി​ക്കാ​ൻ​ ​സാ​ധി​ക്കും.