സിപിഎമ്മിനെ തഴയാതെ ശരദ് പവാർ; കൽവൺ വിട്ടുനൽകി, ഗാവിത് സ്ഥാനാർഥി

സിപിഎമ്മിനെ തഴയാതെ ശരദ് പവാർ; കൽവൺ വിട്ടുനൽകി, ഗാവിത് സ്ഥാനാർഥി- Sharad Pawar without defeating CPM | Manorama News | Manorama Online

സിപിഎമ്മിനെ തഴയാതെ ശരദ് പവാർ; കൽവൺ വിട്ടുനൽകി, ഗാവിത് സ്ഥാനാർഥി

മനോരമ ലേഖകൻ

Published: October 24 , 2024 09:59 AM IST

1 minute Read

ശരദ് പവാർ

മുംബൈ ∙ നാസിക് ജില്ലയിലെ കൽവൺ നിയമസഭാ സീറ്റ് എൻസിപി ശരദ് പവാർ വിഭാഗം ഇന്ത്യാമുന്നണിയിലെ സഖ്യകക്ഷിയായ സിപിഎമ്മിന് വിട്ടുനൽകി. പട്ടികവർഗ സംവരണ സീറ്റാണിത്. സിപിഎമ്മിന്റെ കർഷക സംഘടനയായ കിസാൻ സഭ 2018ൽ നടത്തിയ കർഷക ലോങ് മാർച്ചിനു ചുക്കാൻ പിടിച്ച ജെ.പി.ഗാവിത്താണ് പാർട്ടി സ്ഥാനാർഥി.

ആദിവാസി, പിന്നാക്ക വിഭാഗങ്ങൾക്കും കർഷകർക്കും തൊഴിലാളികൾക്കുമിടയിൽ സ്വാധീനമുള്ള അദ്ദേഹം 2014ൽ സിപിഎം സ്ഥാനാർഥിയായി വിജയിച്ച സീറ്റാണിത്. 2019ൽ അവിഭക്ത എൻസിപിയോടു പരാജയപ്പെട്ടു. പരസ്പരം പോരടിച്ചിരുന്ന സിപിഎമ്മും എൻസിപിയുമാണ് ഇന്ത്യാമുന്നണിയുടെ രൂപീകരണത്തിനു ശേഷം വിട്ടുവീഴ്ചകൾക്കു തയാറായത്.

കഴിഞ്ഞ ലോക്സഭാ തിരഞ്ഞെടുപ്പിൽ കൽവൺ നിയമസഭാ മണ്ഡലം ഉൾപെടുന്ന ദിൻഡോരിയിൽ ജെ.പി. ഗാവിത് സിപിഎം സ്ഥാനാർഥിയായി മത്സരിക്കാൻ പദ്ധതിയിട്ടിരുന്നു. ശരദ് പവാറാണ് അദ്ദേഹത്തെ അനുനയിപ്പിച്ചത്. തുടർന്ന്, സിപിഎമ്മിന്റെ കൂടി പിന്തുണയോടെ പവാറിന്റെ സ്ഥാനാർഥി ലോക്സഭാമണ്ഡലം പിടിച്ചെടുത്തു. നിയമസഭാ തിരഞ്ഞെടുപ്പിൽ അതിനുള്ള പ്രത്യുപകാരമെന്ന നിലയിൽ കൽവൺ സീറ്റ് പവാർ വിഭാഗം സിപിഎമ്മിനു വിട്ടുകൊടുക്കാൻ തീരുമാനിക്കുകയായിരുന്നു. ആയിരക്കണക്കിന് ഇന്ത്യാമുന്നണി പ്രവർത്തകരുടെ റാലിക്കു ശേഷം ജെ.പി. ഗാവിത് നാമനിർദേശ പത്രിക സമർപ്പിച്ചു. കൽവണിനു പുറമേ, കഴിഞ്ഞ തവണ പാർട്ടി വിജയിച്ച പാൽഘർ ജില്ലയിലെ ഡഹാണു സീറ്റും സിപിഎമ്മിന് ലഭിക്കും. കൂടുതൽ സീറ്റിനായി ചർച്ച നടത്തിവരികയാണെന്നു പാർട്ടിവൃത്തങ്ങൾ പറഞ്ഞു.

English Summary:
Sharad Pawar without defeating CPM

6pjren9ubbecermt7g6b3ir9v7 mo-politics-parties-cpim 5us8tqa2nb7vtrak5adp6dt14p-list 40oksopiu7f7i7uq42v99dodk2-list mo-news-world-countries-india-indianews mo-politics-leaders-sharad-pawar mo-news-national-states-maharashtra-mumbai mo-politics-elections-assemblyelections mo-politics-elections-maharashtraassemblyelection2024